قايرات ساتىبالدىعا قاتىستى باستى سوت وتىرىسىنىڭ ۋاقىتى بەلگىلەندى. بۇل تۋرالى استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«سوتقا قايرات ساتىبالدىۇلىنا قاتىستى ءىس ءتۇستى. باستى سوت وتىرىسى 2024 جىلدىڭ 1 ساۋىرىنە ساعات 10.00-گە بەلگىلەندى»، - دەلىنگەن حابارلامادا.
قىلمىستىق جولمەن الىنعان اقشانى زاڭداستىرۋ (جىلىستاتۋ) بويىنشا (قك-ءنىڭ 218-بابى 3-بولىگىنىڭ 3-تارماعى) ايىپ تاعىلدى.
سوت اشىق رەجيمدە وتەدى.
ايتا كەتەيىك، نازارباەۆتىڭ نەمەرە ءىنىسى قايرات ساتىبالدى 2022 جىلى ناۋرىزدا ۇستالعان بولاتىن. قازاقستاننىڭ سىبايلاس جەمقورلىققا قارسى قىزمەتى وعان قاتىستى لاۋازىمدىق وكىلەتتىكتى اسىرا پايدالانۋ جانە "قازاقتەلەكوم" اق-نىڭ قاراجاتىن اسا ءىرى كولەمدە جىمقىرۋ فاكتىلەرى بويىنشا قىلمىستىق ءىستى تەرگەگەن.
اراعا ءبىر اپتا سالماي ساتىبالدىنىڭ بۇرىنعى ايەلى گۇلميرا ساتىبالدى دا ۇستالدى. وعان جانە باسقا دا تۇلعالارعا رەيدەرلىك جولمەن بيزنەستى تارتىپ الۋ دەرەگى بويىنشا سوتقا دەيىنگى تەرگەۋ امالدارى باستالدى.
بىلتىر 4 مامىردا گۇلميرا ساتىبالدى 7 جىلعا باس بوستاندىعىنان ايىرىلدى. 2023 جىلدىڭ ماۋسىمىندا قىزىلوردا سوتى بۇرىنعى ۇكىمدى نازارعا الىپ، كەسىلگەن جازانى اۋىر جازاعا الماستىرۋ ارقىلى 8 جىلعا باس بوستاندىعىنان ايىردى.
انتيكور گۇلميرا ساتىبالدى كاسىپورىنداردىڭ قاتىسۋ ۇلەستەرىن زاڭسىز يەمدەنۋ، سونىڭ ىشىندە ادام ۇرلاۋمەن ۇشتاسقان ەكى فاكتى بويىنشا تەرگەلگەن. جابىرلەنۋشىگە كەلتىرىلگەن زالال سوماسى 6,6 ميلليارد تەڭگەدەن اسادى. تەرگەۋ كەزىندە ايىپتالۋشى مەملەكەتكە 8 ملن دوللار كولەمىندەگى قارجىنى قايتاردى.
ال 2022 جىلى ساتىبالدى "قازاقتەلەكومعا" كەلتىرگەن شىعىندى وتەدى. سول جىلى 6 جىلعا سوتتالدى.
