بۇگىن وبلىس اكىمى مۇرات ەرگەشباەۆ،
قورقىت اتا اتىنداعى قىزىلوردا ۋنيۆەرسيتەتىنىڭ باسقارما توراعاسى-رەكتور ناۋرىزباي بايقاداموۆتىڭ قاتىسۋىمەن قورقىت اتا اتىنداعى قىزىلوردا ۋنيۆەرسيتەتىنىڭ ماگيستراتۋرا باعدارلاماسىن تامامداعان تۇلەكتەرگە ديپلوم تابىستاۋ ءراسىمى ءوتتى.
جاڭا كونستيتۋتسيانىڭ قولدانىسقا ەنۋى اياسىندا وتكەن ماگيسترانتتارمەن كەزدەسۋدە مۇرات نالقوجاۇلى ءبىلىمدى، باسەكەگە قابىلەتتى ۇرپاق تاربيەلەۋدىڭ ماڭىزىنا توقتالدى.
ديپلوم يەگەرلەرى ءبىلىمى مەن كاسىبي بىلىكتىلىگىن ەل يگىلىگىنە باعىتتاپ، قوعام دامۋىنا ۇلەس قوساتىنىنا سەنىم ءبىلدىردى.
وڭىردەگى جوعارى ءبىلىم مەن عىلىمنىڭ قاراشاڭىراعى سانالاتىن وقۋ ورنىن بيىل 2600-دەن استام تۇلەك ءبىتىردى.
«ەلىمىزدىڭ ەرتەڭى مەن تىرەگى – سىزدەر سەكىلدى جالىندى جاستارعا ۇلكەن جاۋاپكەرشىلىك جۇكتەلەدى. ادىلەتتى قازاقستاندى قۇرۋدىڭ باستى قوزعاۋشى كۇشى دە، ونىڭ جاڭا بەلەستەرىن باعىندىراتىن جاسامپاز قۋاتى دا – وزدەرىڭىز.
پرەزيدەنتىمىز قاسىم-جومارت كەمەلۇلى: ء«بىزدىڭ باستى ستراتەگيالىق ماقساتىمىز – جوعارى كونستيتۋتسيالىق قاعيداتتاردى ىسكە اسىرا الاتىن ءبىلىمدى، دەنى ساۋ، زياتكەر ءارى وزىق ويلى ۇرپاق تاربيەلەۋ» دەگەن بولاتىن.
سىزدەر جاستىق جىگەردى تاۋەلسىزدىگىمىزدىڭ تۇعىرىن ودان ءارى بيىكتەتە تۇسۋگە جۇمسايتىندارىڭىزعا سەنەمىن.
بۇگىندە وبلىسىمىزدا جاڭا ءوندىرىس ورىندارى اشىلۋدا، تسيفرلاندىرۋ ۇدەرىسى جەدەل ەنگىزىلىپ، الەۋمەتتىك سالا جاڭعىرتىلىپ جاتىر. جاھاندانۋ داۋىرىندە كرەاتيۆتى، جاڭاشىل ءارى تىڭ كوزقاراسى بار ماماندار اسا قاجەت.
بالاسىنىڭ باعىن تىلەگەن اتا-انانىڭ قۋانىشىندا شەك جوق ەكەنىن كورىپ تۇرمىن. سىزدەرگە كوپ راقمەت! ال شاكىرتىن شىڭعا شىعارعان پروفەسسور-وقىتۋشىلارعا ايماق حالقىنىڭ اتىنان ەرەكشە العىسىمدى بىلدىرەمىن. سىزدەر وبلىسىمىزدىڭ باستى بايلىعى – ادامي كاپيتالدى قالىپتاستىرىپ كەلەسىزدەر.بويلارىڭىزداعى ءبىلىم مەن ونەگەنى وتانىمىز – قازاقستاننىڭ، تۋعان جەرىمىز – سىر ءوڭىرىنىڭ يگىلىگىنە جۇمساي بەرىڭىزدەر»، – دەدى مۇرات نالقوجاۇلى.
توقسان جىلعا جۋىق تاريحى بار ۋنيۆەرسيتەت وزىق يدەيالاردىڭ جارشىسى رەتىندە عىلىمعا يننوۆاتسيالىق جاڭاشىلدىقتاردى ەنگىزىپ، باسەكەگە قابىلەتتى مامان دايارلاۋ باعىتىنداعى جۇمىسىن تابىستى جالعاستىرىپ كەلەدى.«قازاقستان رەسپۋبليكاسى جوعارى وقۋ ورىندارى سۇرانىسىنىڭ تاۋەلسىز رەيتينگى – 2026» قورىتىندىسىمەنەلىمىزدەگى كوپسالالى جوعارى وقۋ ورىندارى اراسىندا 7-ورىنعا يە بولدى.وقۋ ورنىنىڭ 31 ءبىلىم بەرۋ باعدارلاماسى رەسپۋبليكاداعى ۇزدىك ۇشتىك قاتارىنان كورىندى.
ايتا كەتەيىك، بيىل ۋنيۆەرسيتەتتىڭ باكالاۆريات باعدارلاماسىن 630, ال ماگيستراتۋرا باعدارلاماسىن 79 تۇلەك ءتامامدادى.
