ۇلتتىق ءداستۇر مەن ادەت-عۇرىپتى جاڭعىرتىپ، قوعامدىق قۇندىلىقتاردى نىعايتاتىن جالپىحالىقتىق ناۋرىز مەرەكەسىنە وراي، قىزىلوردا وبلىسىنىڭ ىشكى ساياسات باسقارماسىنا قاراستى “رۋحاني جاڭعىرۋ” ورتالىعى بارشا سىربويىلىقتاردى “ۇلتتىق مەرەكەگە ۇلتتىق كيىممەن” اتتى ەتنو-چەلەندجدى باستاپ، جىل سايىن جاڭعىرتاتىن داستۇرگە اينالدىرۋدى ۇسىندى.
«ۇلتتىق قۇندىلىقتارىمىزدى دارىپتەۋدى وزىڭنەن باستا!» ۇرانىمەن وتەتىن ەتنو-چەللەندجگە ايماقتاعى مەكەمەلەر، تۇرعىندار ءوز ۇلەستەرىن قوسۋدا.
ايتا كەتۋ كەرەك، امال مەرەكەسىنەن باستاۋ العان سىر وڭىرىندەگى مەرەكەلىك شارالار سالت-ءداستۇر مەن ادەت-عۇرىپتاردى جاڭعىرتۋ، قايىرىمدىلىق شارالارى، ۇلتتىق سپورت تۇرلەرىن كەڭىنەن ناسيحاتتاۋ، بالالار ءۇشىن باستى مەرەكەگە اينالدىرۋ، قورشاعان ورتانى قورعاۋ، قولونەر تۋىندىلارىنا قامورلىق جاساۋ باعىتتارىن قامتيدى. ال نەگىزگى ءىرى شارالار 21-22 ناۋرىز كۇندەرى ارالىعىندا وتكىزىلەدى دەپ جوسپارلانۋدا.
“ادىرنا” ۇلتتىق پورتالى
