Kaspi.kz كليەنتتەرى NFC ارقىلى بايلانىسسىز تولەمدى قولدايتىن Android سمارتفونى، سمارت-ساعاتى نەمەسە باسقا دا قۇرىلعىلارى ارقىلى تولەم جاساي الادى.
قىزمەت قازاقستاندىقتار ءۇشىن الەمنىڭ كەز كەلگەن ەلىندە قولجەتىمدى. سونىمەن قاتار، دۇكەندەردە، قوسىمشالاردا ءارى ينتەرنەتتە تولەم جاساۋعا مۇمكىندىك بەرەدى. Kaspi Gold-تى Google Pay-گە Kaspi.kz سۋپەرقوسىمشاسى ارقىلى نەمەسە Google Wallet ارقىلى قوسۋعا بولادى.
Kaspi.kz باسشىسى ءارى نەگىزىن قالاۋشىلاردىڭ ءبىرى ميحايل لومتادزە:
ء«بىز ءاربىر Kaspi.kz كليەنتىندە كەز كەلگەن جاعدايدا تولەم جاساۋدىڭ ىڭعايلى ءتاسىلى بولعانىن قالايمىز.
Kaspi QR سمارتفون مودەلىنە قاراماستان بارلىق كليەنتكە قولجەتىمدى. Kaspi Alaqan تەلەفونسىز-اق الاقانمەن تولەم جاساۋعا مۇمكىندىك بەرەدى. ەندى Android قۇرىلعىلارىن پايدالاناتىن كليەنتتەر Kaspi Gold كارتاسىن Google Pay نەمەسە Google Wallet قىزمەتىنە قوسىپ، قازاقستاندا دا، شەتەلدە دە NFC قولدايتىن سمارتفون، سمارت-ساعات نەمەسە باسقا قۇرىلعى ارقىلى تولەم جاساي الادى.
ءبىز سۇيىكتى كليەنتتەرىمىزگە تاڭداۋ مۇمكىندىگىن كوبەيتىپ، ءار كۇنگە قولايلى جاعداي جاساۋعا قۋانىشتىمىز!» - دەدى.
Kaspi.kz قوسىمشاسىندا Kaspi Gold كارتاسىن Google Pay-گە قوسۋ ءۇشىن مەنىڭ بانكىم → Kaspi Gold بولىمىنە ءوتىپ، «Google Pay قوسۋ» باتىرماسىن باسىپ، ەكرانداعى نۇسقاۋلاردى ورىنداڭىز.
سونداي-اق Kaspi Gold كارتاسىن NFC قولدايتىن Android قۇرىلعىسىنداعى Google Wallet قوسىمشاسىنا قوسىپ، بايلانىسسىز تولەم قابىلدايتىن دۇكەندەردە پايدالانۋعا بولادى.
بۇدان بولەك، Google ەسەپتىك جازباڭىزعا كىرگەن كەز كەلگەن iOS نەمەسە Android قۇرىلعىسىندا GPay باتىرماسى ارقىلى ينتەرنەت-دۇكەندەردە ونلاين تولەم جاساۋعا بولادى.
