Kaspi.kz klientterı NFC arqyly bailanyssyz tölemdı qoldaityn Android smartfony, smart-saǧaty nemese basqa da qūrylǧylary arqyly tölem jasai alady.
Qyzmet qazaqstandyqtar üşın älemnıŋ kez kelgen elınde qoljetımdı. Sonymen qatar, dükenderde, qosymşalarda ärı internette tölem jasauǧa mümkındık beredı. Kaspi Gold-ty Google Pay-ge Kaspi.kz superqosymşasy arqyly nemese Google Wallet arqyly qosuǧa bolady.
Kaspi.kz basşysy ärı negızın qalauşylardyŋ bırı Mihail Lomtadze:
«Bız ärbır Kaspi.kz klientınde kez kelgen jaǧdaida tölem jasaudyŋ yŋǧaily täsılı bolǧanyn qalaimyz.
Kaspi QR smartfon modelıne qaramastan barlyq klientke qoljetımdı. Kaspi Alaqan telefonsyz-aq alaqanmen tölem jasauǧa mümkındık beredı. Endı Android qūrylǧylaryn paidalanatyn klientter Kaspi Gold kartasyn Google Pay nemese Google Wallet qyzmetıne qosyp, Qazaqstanda da, şetelde de NFC qoldaityn smartfon, smart-saǧat nemese basqa qūrylǧy arqyly tölem jasai alady.
Bız süiıktı klientterımızge taŋdau mümkındıgın köbeitıp, är künge qolaily jaǧdai jasauǧa quanyştymyz!» - dedı.
Kaspi.kz qosymşasynda Kaspi Gold kartasyn Google Pay-ge qosu üşın Menıŋ Bankım → Kaspi Gold bölımıne ötıp, «Google Pay qosu» batyrmasyn basyp, ekrandaǧy nūsqaulardy oryndaŋyz.
Sondai-aq Kaspi Gold kartasyn NFC qoldaityn Android qūrylǧysyndaǧy Google Wallet qosymşasyna qosyp, bailanyssyz tölem qabyldaityn dükenderde paidalanuǧa bolady.
Būdan bölek, Google eseptık jazbaŋyzǧa kırgen kez kelgen iOS nemese Android qūrylǧysynda GPay batyrmasy arqyly internet-dükenderde onlain tölem jasauǧa bolady.
