دۇنيەگە كەلگەن بالاعا بەرىلەتىن جاردەماقى جانە ءبىر جاسقا دەيىنگى بالا كۇتىمى بويىنشا تولەمدى ەندى Halyk Homebank ارقىلى ونلاين راسىمدەۋگە بولادى.
اتا-انالار ءۇشىن جاقسى جاڭالىق - ەندى جاڭا تۋعان نارەستە ءۇشىن الاتىن جاردەماقىنى Halyk Bank-ءتىڭ ءموبيلدى قوسىمشاسى ارقىلى راسىمدەۋگە بولادى. بانك Halyk Homebank ءموبيلدى قوسىمشاسى ارقىلى بالا تۋعاندا بەرىلەتىن جاردەماقىنى جانە ءبىر جاسقا دەيىنگى بالا كۇتىمى بويىنشا تولەمدى ونلاين فورماتتا رەسىمدەۋ مۇمكىندىگىن ىسكە قوستى. اتاۋلى قىزمەتتى بالا تۋعاننان كەيىن 1 جىل ىشىندە كەز كەلگەن ۋاقىتتا رەسىمدەۋگە بولادى.
كليەنتتەرگە ىڭعايلى بولۋ ءۇشىن ەكى قىزمەت ءبىر-بىرىنە بىرىكتىرىلگەن.
ءوتىنىش بەرۋ ءۇشىن:
- Halyk Homebank قوسىمشاسىندا «مەملەكەتتىك قىزمەتتەر» بولىمىنە كىرىڭىز
- «بالا تۋى بويىنشا جاردەماقىنى» تاڭداڭىز
- ءوتىنىم بەرەتىن بالانى كورسەتىڭىز
- بارلىق دەرەكتەردى تەكسەرىپ، SMS ارقىلى وتىنىشكە قول قويىڭىز
كليەنت ءوتىنىمدى جىبەرگەن سوڭ جانە ونى مەملەكەتتىك ورگان قاراعاننان كەيىن كليەنتكە ءوتىنىمنىڭ ناتيجەسى جانە تولەمنىڭ تاعايىندالعان سوماسى تۋرالى PUSH-حابارلاما جانە SMS جولدانادى. ايتا كەتۋ كەرەك، بۇرىن جاردەماقى حقكو بارۋ ارقىلى نەمەسە ەلەكتروندى ۇكىمەت پورتالى، 1414-كە سمس سەرۆيستى پايدالانۋ ارقىلى رەسىمدەلگەن.
سەرۆيس قر تسيفرلىق دامۋ جانە اەروعارىش ونەركاسىبى مينيسترلىگى مەن "ۇلتتىق اقپاراتتىق تەحنولوگيالار" اق قولداۋىمەن ەڭبەك جانە حالىقتى الەۋمەتتىك قورعاۋ مينيسترلىگى، "ەڭبەك رەسۋرستارىن دامىتۋ ورتالىعى"اق جانە ادىلەت مينيسترلىگىنىڭ اقپاراتتىق جۇيەلەرىمەن ينتەگراتسيالاۋدىڭ ارقاسىندا جۇزەگە اسىرىلدى.
"ادىرنا" ۇلتتىق پورتالى
