Kaspi.kz-ءتىڭ نەگىزىن قالاۋشىلاردىڭ ءبىرى جانە باسشىسى ميحايل لومتادزە PricewaterhouseCoopers (PwC) حالىقارالىق جەتەكشى كونسالتينگ كومپانياسى وتكىزگەن سەو Survey 2021 ساۋالناماسىنىڭ ناتيجەسى بويىنشا قازاقستانداعى ۇزدىك باسشى اتاندى. ميحايل ءۇشىنشى رەت قاتارىنان ۇزدىك اتانىپ وتىر.
ميحايل لومتادزە بۇل تۋرالى بىلاي دەيدى:
«ءبىزدىڭ جۇمىسىمىزدى باعالاعانداردىڭ بارلىعىنا جانە زەرتتەۋدى جاساعان PwC كومپانياسىنا العىس ايتامىن. بۇل سۇيىكتى كليەنتتەرىمىزدىڭ ءومىرىن جاقسارتىپ، يننوۆاتسيالىق سەرۆيستەر جاساپ جۇرگەن ءبىزدىڭ تاماشا كوماندامىزدى كەزەكتى مويىنداۋ. وتكەن جىلى ءبىز Kaspi.kz-ءتىڭ تابىستى IPO-سىن وتكىزىپ، قازاقستاندى الەمدىك يننوۆاتسيا كارتاسىنا قوستىق جانە حالىقارالىق ينۆەستورلار الدىندا ەلىمىزدىڭ تارتىمدىلىعىن ايتارلىقتاي ارتتىردىق. ءبىز ءوز تاراپىمىزدان سۇيىكتى كليەنتتەرىمىزدى ارى قاراي دا الەمدىك دەڭگەيدەگى يننوۆاتسيالىق قىزمەتتەرمەن تاڭقالدىرا بەرۋگە ۋادە بەرەمىز».
زەرتتەۋگە ەكونوميكانىڭ ءتۇرلى سەكتورىنداعى قازاقستاندىق كومپانيالاردىڭ 71 باسشىسى قاتىسقان. رەسپوندەنتتەر Kaspi.kz-ءتىڭ ءىرو-عا تابىستى شىعۋى مەن كوماندانىڭ كاسىبيلىگى، كومپانيانىڭ تەحنولوگياعا بەيىمدىلىگى مەن Kaspi.kz باسشىسىنىڭ ستراتەگيالىق كورەگەندىگىن اتاپ وتكەن.
PwC اتالعان زەرتتەۋدى بۇكىل الەم بويىنشا 24 جىل بويى جانە سوڭعى 9 جىلدا قازاقستاندا وتكىزىپ كەلەدى. ساۋالنامانىڭ باستى ماقساتى — باسشىلاردىڭ جاھاندىق جانە ۇلتتىق ەكونوميكاداعى جاعدايدى باعالاپ، ءتۇرلى قاتەرلەر مەن بيزنەستى دامىتۋ تۋرالى پىكىرىن ءبىلۋ.
زەرتتەۋدىڭ تولىق نۇسقاسىمەن Pwس سايتىندا تانىسۋعا بولادى: https://www.pwc.kz/en/publications/ceo-assets/ceo-survey-2021-24-rus.pdf
"ادىرنا" ۇلتتىق پورتالى
