الەۋمەتتىك جەلى قولدانۋشىسى blllaair Kaspi.kz ماركەتپلەيسىندە «كنيجنىي ەلدورادو» دۇكەنى ارقىلى داۋلى مازمۇنداعى كىتاپتاردىڭ ساتىلىمعا شىعارىلعانىنا نارازىلىق ءبىلدىردى، دەپ حابارلايدى "ادىرنا" ۇلتتىق پورتالى.
ول @kaspi.kz پاراقشاسىنا جازعان جازباسىندا بۇل جاعدايعا تاڭعالعانىن جەتكىزگەن.
اتالعان دۇكەندە «گەروي سۆو»، «بيتۆا زا كوسموس»، «نە پروششاەمسيا. لەيتەنانتسكايا پروزا. سۆو» اتتى كىتاپتاردىڭ ساتىلعانى بەلگىلى بولدى.
Kaspi.kz بۇل جاعدايعا قاتىستى رەسمي جاۋاپ بەرىپ، اتالعان ونىمدەردىڭ ماركەتپلەيس ەرەجەلەرىنە قايشى ەكەنىن مالىمدەدى.
كومپانيانىڭ حابارلاۋىنشا، Kaspi.kz ىشكى قاعيدالارىنا سايكەس مۇنداي تاۋارلاردى ورنالاستىرۋعا جول بەرىلمەيدى، سوندىقتان كىتاپتار پلاتفورمادان تولىقتاي الىنىپ تاستالعان.
سونداي-اق ماركەتپلەيس وكىلدەرى سەرىكتەس دۇكەنمەن الدىن الۋ ماقساتىندا قوسىمشا جۇمىس جۇرگىزىلەتىنىن اتاپ ءوتتى.
ء«بىز ماركەتپلەيسىمىزدىڭ بارلىق پايدالانۋشى ءۇشىن قاۋىپسىز ءارى بەيتاراپ كەڭىستىك بولىپ قالۋىنا بار كۇشىمىزدى سالامىز. تاۋارلاردى ورنالاستىرۋعا باقىلاۋ كۇشەيتىلدى، اۆتوماتتى جانە قولمەن مودەراتسيالاۋ جۇيەسىن دامىتۋدى جالعاستىرىپ جاتىرمىز. كەرى بايلانىس ءۇشىن العىس ايتامىز — ءدال وسىنداي حابارلامالار مۇنداي جاعدايلاردى جەدەل انىقتاۋعا جانە قايتالانباۋىنا كومەكتەسەدى»، — دەلىنگەن Kaspi.kz جاۋابىندا.
