ساۋد ارابياسى فۋتبول فەدەراتسياسىنىڭ پرەزيدەنتى ياسير ءال-ميشال 2026 جىلعى الەم چەمپيوناتىندا ۇلتتىق قۇرامانىڭ ءساتسىز ونەر كورسەتۋىنەن كەيىن قىزمەتىنەن كەتتى. بۇل تۋرالى Arab News باسىلىمى جازدى، دەپ حابارلايدى «ادىرنا» ءتىلشىسى.
«مەن جانە ديرەكتورلار كەڭەسىندەگى ارىپتەستەرىم ساۋد ارابياسى فۋتبولىن دامىتۋ ءۇشىن قولدان كەلگەننىڭ ءبارىن جاسادىق. ەلىمىز بەن جانكۇيەرلەرىمىزدىڭ ءۇمىتىن اقتاۋعا تىرىستىق. الايدا ۇلتتىق قۇرامانىڭ الەم چەمپيوناتىنىڭ كەلەسى كەزەڭىنە وتە الماۋى – ورتاق ماقسات-مۇددەمىزگە ساي كەلمەيتىن ناتيجە. بۇل ءۇشىن تولىق جاۋاپكەرشىلىكتى ءوز موينىما الامىن جانە قۇرامانى بۇدان دا جوعارى دەڭگەيدە كورەمىز دەپ ۇمىتتەنگەن جانداردان كەشىرىم سۇرايمىن»،– دەدى ول.
ايتا كەتەيىك، ساۋد ارابياسى قۇراماسى H توبىندا يسپانيا، كابو-ۆەردە جانە ۋرۋگۆاي قۇرامالارىمەن بىرگە ونەر كورسەتىپ، ەكى ۇپاي عانا جيناعان ەدى. ناتيجەسىندە كوماندا توپتا سوڭعى، ءتورتىنشى ورىنعا تۇراقتادى.
