Saud Arabiiasy futbol federasiiasynyŋ prezidentı Iаsir äl-Mişal 2026 jylǧy älem chempionatynda ūlttyq qūramanyŋ sätsız öner körsetuınen keiın qyzmetınen kettı. Būl turaly Arab News basylymy jazdy, dep habarlaidy «Adyrna» tılşısı.
«Men jäne direktorlar keŋesındegı ärıptesterım Saud Arabiiasy futbolyn damytu üşın qoldan kelgennıŋ bärın jasadyq. Elımız ben janküierlerımızdıŋ ümıtın aqtauǧa tyrystyq. Alaida ūlttyq qūramanyŋ älem chempionatynyŋ kelesı kezeŋıne öte almauy – ortaq maqsat-müddemızge sai kelmeitın nätije. Būl üşın tolyq jauapkerşılıktı öz moinyma alamyn jäne qūramany būdan da joǧary deŋgeide köremız dep ümıttengen jandardan keşırım sūraimyn»,– dedı ol.
Aita keteiık, Saud Arabiiasy qūramasy H tobynda İspaniia, Kabo-Verde jäne Urugvai qūramalarymen bırge öner körsetıp, ekı ūpai ǧana jinaǧan edı. Nätijesınde komanda topta soŋǧy, törtınşı orynǧa tūraqtady.
