فوتو: قتف
قازاقستاندىق تەننيسشى جىبەك قۇلامباەۆا كولۋمبيانىڭ سوپو قالاسىندا ۇيىمداستىرىلعان WTA 125 ساناتىنداعى جارىستىڭ جۇپتىق سىنىندا جەڭىمپاز اتاندى، دەپ حابارلايدى “ادىرنا”.
وتانداسىمىز بۇل تۋرنيردە سلوۆەنيالىق ۆەرونيكا ەرياۆەتسپەن بىرگە ونەر كورسەتتى. شەشۋشى ماتچتا قازاقستاندىق-سلوۆەنيالىق دۋەت چەحيالىق لورا سامسون مەن سلوۆەنيالىق تامارا زيدانشەككە قارسى كورتقا شىعىپ، تارتىستى كەزدەسۋدە 5:7, 6:2, 14:12 ەسەبىمەن باسىم ءتۇستى.
وسىلايشا، قۇلامباەۆا ءۇشىن بۇل ماۋسىمداعى سەگىزىنشى چەمپيوندىق اتاق بولدى. سونداي-اق ول WTA 125 دەڭگەيىندەگى جارىستاردا ەكىنشى رەت توپ جارىپ وتىر. بۇعان دەيىن قىركۇيەك ايىندا قازاقستاندىق تەننيسشى اۆستراليالىق گابريەللا فيكپەن جۇپتاسىپ، پورتۋگاليادا وتكەن ءدال وسىنداي ساناتتاعى ءتۋرنيردىڭ چەمپيونى اتانعان ەدى.
جالپى، 2026 جىلعى ماۋسىمدا جىبەك قۇلامباەۆا جۇپتىق سىندا جەتى تيتۋل جەڭىپ الدى. ونىڭ التاۋى ITF تۋرنيرلەرىندە تىركەلگەن. بۇدان بولەك، ءۇندىستاندا وتكەن ITF W15 جارىسىندا جەكەلەي سىندا دا جەڭىسكە جەتتى.
كولۋمبياداعى جەڭىسى قازاقستاندىق سپورتشىنىڭ الەمدىك رەيتينگتەگى كورسەتكىشىنە دە وڭ اسەر ەتپەك. 16 قاراشا، دۇيسەنبى كۇنى جاڭارتىلاتىن WTA رەيتينگىندە قۇلامباەۆا جۇپتىق سىندا مانسابىنداعى ەڭ جوعارى ناتيجەسىنە قول جەتكىزىپ، 86-ورىنعا كوتەرىلەدى.
