ماڭعىستاۋ وبلىسىنىڭ قاراقيا اۋدانىنداعى بولاشاق اۋىلى ىشىمدىكتەن باس تارتتى، دەپ حابارلايدى "ادىرنا" ۇلتتىق پورتالى Lada.kz-كە سىلتەپ.
اتالعان باستاما پروكۋراتۋرانىڭ قاراقيا اۋدانىنداعى جەرگىلىكتى اتقارۋشى ورگاندارمەن جانە مۇددەلى مەملەكەتتىك مەكەمەلەرمەن بىرلەسىپ جۇزەگە اسىرعان جوباسى اياسىندا ىسكە اسقان. وسىعان بايلانىستى اۋىل اۋماعىندا الكوگول ونىمدەرىن ساتپاۋ جانە تۇتىنۋعا جول بەرمەۋ جونىندە مەموراندۋمعا قول قويىلعان.
جەرگىلىكتى كاسىپكەرلەر دە بۇل باستامانى قولداپ، قوعامدىق ءتارتىپتى نىعايتۋعا باعىتتالعان قادامعا بەلسەندى تۇردە اتسالىستى. كەلىسىم اياسىندا تاراپتار جاستار اراسىندا ءتۇسىندىرۋ جۇمىستارىن جۇرگىزۋ، قۇقىقبۇزۋشىلىقتىڭ الدىن الۋ جانە اۋىلدا قاۋىپسىز قوعامدىق ورتا قالىپتاستىرۋ شارالارىن بىرلەسىپ جۇزەگە اسىرۋعا ۋاعدالاستى.
جوبانى ىسكە اسىرۋشىلاردىڭ پىكىرىنشە، بۇل شەشىم اۋىلداعى ءتارتىپتى كۇشەيتىپ، تۇرعىنداردىڭ ءومىر ساپاسىن ارتتىرۋعا ىقپال ەتەدى دەپ كۇتىلۋدە.
