Maŋǧystau oblysynyŋ Qaraqiia audanyndaǧy Bolaşaq auyly ışımdıkten bas tartty, dep habarlaidy "Adyrna" ūlttyq portaly Lada.kz-ke sıltep.
Atalǧan bastama prokuraturanyŋ Qaraqiia audanyndaǧy jergılıktı atqaruşy organdarmen jäne müddelı memlekettık mekemelermen bırlesıp jüzege asyrǧan jobasy aiasynda ıske asqan. Osyǧan bailanysty auyl aumaǧynda alkogol önımderın satpau jäne tūtynuǧa jol bermeu jönınde memorandumǧa qol qoiylǧan.
Jergılıktı käsıpkerler de būl bastamany qoldap, qoǧamdyq tärtıptı nyǧaituǧa baǧyttalǧan qadamǧa belsendı türde atsalysty. Kelısım aiasynda taraptar jastar arasynda tüsındıru jūmystaryn jürgızu, qūqyqbūzuşylyqtyŋ aldyn alu jäne auylda qauıpsız qoǧamdyq orta qalyptastyru şaralaryn bırlesıp jüzege asyruǧa uaǧdalasty.
Jobany ıske asyruşylardyŋ pıkırınşe, būl şeşım auyldaǧy tärtıptı küşeitıp, tūrǧyndardyŋ ömır sapasyn arttyruǧa yqpal etedı dep kütılude.
