قوستانايدا قازاقستان رەسپۋبليكاسىنىڭ مەملەكەتتىك رامىزدەرى كۇنىنە ارنالعان «ادال ازامات: ەلگە قىزمەت، رامىزگە قۇرمەت» اتتى وبلىستىق فورۋم ءوتتى. ءىس-شارادا ازاماتتىق جاۋاپكەرشىلىك، پاتريوتيزم جانە ۇلتتىق قۇندىلىقتار ماسەلەلەرى تالقىلاندى.
فورۋم بارىسىندا مەملەكەتتىك رامىزدەردىڭ قوعامداعى ورنى مەن جاستار تاربيەسىندەگى ءرولى ءسوز بولدى. قاتىسۋشىلار قۇقىقتىق مادەنيەت، بەلسەندى ازاماتتىق ۇستانىم جانە قوعامدىق جاۋاپكەرشىلىك تاقىرىپتارىنا توقتالدى.
قوستاناي وبلىسىنىڭ اكىمى قۇمار اقساقالوۆ مەملەكەتتىك رامىزدەردىڭ ەل بىرلىگى مەن تۇراقتىلىعىن نىعايتۋداعى ماڭىزىن اتاپ ءوتتى.
– مەملەكەتتىك تۋ، ەلتاڭبا جانە ءانۇران – تاۋەلسىزدىگىمىزدىڭ تىرەگى. ءبىزدى ورتاق قۇندىلىقتار مەن ەل بولاشاعىنا دەگەن جاۋاپكەرشىلىك بىرىكتىرەدى، – دەدى وبلىس اكىمى.
فورۋمعا ەرەكشە قۇرمەتتى قوناق رەتىندە قوعام قايراتكەرى، جازۋشى زەينەپ احمەتوۆا جانە وليمپيادا جۇلدەگەرى ۆاسيلي لەۆيتتىڭ اناسى قاتىستى. ولاردىڭ قاتىسۋى ءىس-شارانىڭ مازمۇنىن تولىقتىرىپ، جاستار ءۇشىن ونەگەلى ۇلگى رەتىندە باعالاندى.
فورۋمدا كونستيتۋتسيانىڭ ءرولى، زاڭ مەن ءتارتىپ قاعيداتتارى، جاستاردىڭ قوعامدىق باستامالارعا قاتىسۋى جانە ەرىكتىلىك مادەنيەتى دە تالقىلاندى. سپيكەرلەر ءپاتريوتيزمنىڭ كۇندەلىكتى جاۋاپكەرشىلىك پەن قوعامعا قىزمەت ەتۋ ارقىلى كورىنۋى قاجەت ەكەنىن ايتتى.
سونداي-اق كرەاتيۆتى يندۋستريالار، مادەنيەت، ەكولوگيالىق ەرىكتىلىك جانە قوعامدىق بەلسەندىلىك ماسەلەلەرى كوتەرىلدى. قاتىسۋشىلار «تازا قازاقستان» قاعيداتتارىن جۇزەگە اسىرۋ جولدارىن دا تالقىلادى.
ءىس-شارا اياسىندا «پاتريوت – 2026» وبلىستىق بايقاۋىنىڭ جەڭىمپازدارى ماراپاتتالدى. بايقاۋ قوعام دامۋىنا ۇلەس قوسىپ، ازاماتتىق بەلسەندىلىگىمەن، كاسىبيلىگىمەن جانە ەلگە قىزمەت ەتۋ جولىنداعى ەڭبەگىمەن ەرەكشەلەنگەن تۇلعالاردى ۇلىقتاۋعا ارنالدى. ءتۇرلى سالا وكىلدەرى ءپاتريوتيزمدى ناقتى ىسپەن دالەلدەپ، قوعامداعى بەلسەندى ۇستانىمى مەن جاۋاپكەرشىلىگى ءۇشىن ارنايى نوميناتسيالار بويىنشا ماراپاتقا يە بولدى.
اتاپ ايتقاندا، مەديتسينا سالاسىندا قوستاناي وبلىستىق اۋرۋحاناسىنىڭ تراۆماتولوگ دارىگەرى سانجار جاگاپاروۆ، عىلىم نوميناتسياسىندا ۇزىنكول اۋدانىنداعى پرەسنوگوركوۆ ورتا مەكتەبىنىڭ تاريح ءپانى مۇعالىمى سەرگەي ۆيننيچەنكو، مەتسەناتتىق باعىتىندا «ەرشوۆسكوە 2» جشس ديرەكتورى سابيت اگايداروۆ ماراپاتتالدى.
سونىمەن قاتار «اۋىل ادامى» نوميناتسياسى بويىنشا ناۋىرزىم اۋدانىنان اندرەي گريتسەنكو مەن جانگەلدين اۋداندىق پوليتسيا ءبولىمىنىڭ باسشىسى ايبات ءابدىر، «ادال ەڭبەك ادامى» اتالىمىندا دەنيسوۆ اۋدانىنان جۇرگىزۋشى تورەباي داۋرەنبەكوۆ ۇزدىك دەپ تانىلدى.
سپورت سالاسىندا ستۋدەنت فارحات مۋتۋنوۆ پەن توعىزقۇمالاقتان جاتتىقتىرۋشى باتىرحان ابيلبەكوۆ، ءبىلىم بەرۋ سالاسىندا قوستاناي قالاسىنداعى ء«بىلىم-يننوۆاتسيا» ليتسەي-ينتەرناتىنىڭ وقۋشىسى تاير ابدىقادىر ماراپاتقا يە بولدى. ال مادەنيەت سالاسىنداعى جەڭىمپاز – بەيىمبەت مايلين اۋدانىنداعى «DAIMONDS» حورەوگرافيالىق ۇجىمىنىڭ جەتەكشىسى ەۆگەنيا ورلوۆا بولدى.
فورۋم قورىتىندىسىندا مەملەكەتتىك رامىزدەرگە قۇرمەت ەل دامۋىنا ۇلەس قوسۋ مەن قوعامدىق جاۋاپكەرشىلىك ارقىلى كورىنىس تابۋى ءتيىس ەكەنى ايتىلدى. قاتىسۋشىلار بىرلىك پەن ءوزارا سەنىم ەل دامۋىنىڭ باستى كەپىلى ەكەنىن اتاپ ءوتتى.
قوستانايدا 55 مىڭنان استام ادامدى بىرىكتىرگەن «كىتاپ وقيتىن ۇلت» جوباسىنىڭ جەڭىمپازدارى ماراپاتتالدى
