قوستاناي وبلىسىندا 16 ءجاسوسپىرىم قىلمىستىق سحەماعا قاتىسقانى ءۇشىن ۇستالدى. ولاردىڭ ءبىرى — ليساكوۆ قالاسىنىڭ 18 جاستاعى تۇرعىنى، جاڭا SIM-كارتالاردى جەتكىزىپ وتىرعان. بۇل نومىرلەر جالعان اككاۋنتتار اشۋعا پايدالانىلىپ، قازاقستاندىقتاردى الداۋ ماقساتىندا قولدانىلعان، دەپ حابارلايدى «ادىرنا».
ءتىنتۋ كەزىندە ونىڭ ۇيىنەن 21 تەلەفون، 48 SIM-كارتا جانە مودەم تاركىلەندى. الاياقتاردىڭ ىسىنەن الماتى، استانا، اقتوبە، قوستاناي جانە سەمەي قالالارىنىڭ تۇرعىندارى زارداپ شەگىپ، شىعىن كولەمى 80 ملن تەڭگەدەن استى.
الماتى، استانا، اقتوبە، قوستاناي جانە سەمەي قالالارىنىڭ تۇرعىندارى زارداپ شەككەن 5 قىلمىستىق ءىس بويىنشا كەلتىرىلگەن شىعىن 80 ميلليون تەڭگەدەن استى.
ازاماتتار نومىرلەردىڭ جالعان تۇلعالارعا تىركەلگەنىن بىلمەسە دە، اقشا اۋدارىپ وتىرعان. تەرگەۋ بارىسىندا پوليتسيا 17-20 جاس ارالىعىنداعى تاعى 15 ءجاسوسپىرىمنىڭ وسىنداي زاڭسىز ارەكەتتەرگە تارتىلعانىن انىقتادى.
كامەلەتكە تولماعانداردىڭ قىلمىسقا قاتىسقانى ءۇشىن تەك وزدەرى عانا ەمەس، اتا-انالارى دا قولدانىستاعى زاڭناماعا سايكەس جاۋاپقا تارتىلادى.
