Qostanaida Qazaqstan Respublikasynyŋ Memlekettık rämızderı künıne arnalǧan «Adal azamat: elge qyzmet, rämızge qūrmet» atty oblystyq forum öttı. Is-şarada azamattyq jauapkerşılık, patriotizm jäne ūlttyq qūndylyqtar mäselelerı talqylandy.
Forum barysynda memlekettık rämızderdıŋ qoǧamdaǧy orny men jastar tärbiesındegı rölı söz boldy. Qatysuşylar qūqyqtyq mädeniet, belsendı azamattyq ūstanym jäne qoǧamdyq jauapkerşılık taqyryptaryna toqtaldy.
Qostanai oblysynyŋ äkımı Qūmar Aqsaqalov memlekettık rämızderdıŋ el bırlıgı men tūraqtylyǧyn nyǧaitudaǧy maŋyzyn atap öttı.
– Memlekettık Tu, Eltaŋba jäne Änūran – täuelsızdıgımızdıŋ tıregı. Bızdı ortaq qūndylyqtar men el bolaşaǧyna degen jauapkerşılık bırıktıredı, – dedı oblys äkımı.
Forumǧa erekşe qūrmettı qonaq retınde qoǧam qairatkerı, jazuşy Zeinep Ahmetova jäne Olimpiada jüldegerı Vasilii Levittıŋ anasy qatysty. Olardyŋ qatysuy ıs-şaranyŋ mazmūnyn tolyqtyryp, jastar üşın önegelı ülgı retınde baǧalandy.
Forumda Konstitusiianyŋ rölı, zaŋ men tärtıp qaǧidattary, jastardyŋ qoǧamdyq bastamalarǧa qatysuy jäne erıktılık mädenietı de talqylandy. Spikerler patriotizmnıŋ kündelıktı jauapkerşılık pen qoǧamǧa qyzmet etu arqyly körınuı qajet ekenın aitty.
Sondai-aq kreativtı industriialar, mädeniet, ekologiialyq erıktılık jäne qoǧamdyq belsendılık mäselelerı köterıldı. Qatysuşylar «Taza Qazaqstan» qaǧidattaryn jüzege asyru joldaryn da talqylady.
Is-şara aiasynda «Patriot – 2026» oblystyq baiqauynyŋ jeŋımpazdary marapattaldy. Baiqau qoǧam damuyna üles qosyp, azamattyq belsendılıgımen, käsıbilıgımen jäne elge qyzmet etu jolyndaǧy eŋbegımen erekşelengen tūlǧalardy ūlyqtauǧa arnaldy. Türlı sala ökılderı patriotizmdı naqty ıspen däleldep, qoǧamdaǧy belsendı ūstanymy men jauapkerşılıgı üşın arnaiy nominasiialar boiynşa marapatqa ie boldy.
Atap aitqanda, medisina salasynda Qostanai oblystyq auruhanasynyŋ travmatolog därıgerı Sanjar Jagaparov, ǧylym nominasiiasynda Ūzynköl audanyndaǧy Presnogorkov orta mektebınıŋ tarih pänı mūǧalımı Sergei Vinnichenko, mesenattyq baǧytynda «Erşovskoe 2» JŞS direktory Sabit Agaidarov marapattaldy.
Sonymen qatar «Auyl adamy» nominasiiasy boiynşa Nauyrzym audanynan Andrei Grisenko men Jangeldin audandyq polisiia bölımınıŋ basşysy Aibat Äbdır, «Adal eŋbek adamy» atalymynda Denisov audanynan jürgızuşı Törebai Daurenbekov üzdık dep tanyldy.
Sport salasynda student Farhat Mutunov pen toǧyzqūmalaqtan jattyqtyruşy Batyrhan Abilbekov, bılım beru salasynda Qostanai qalasyndaǧy «Bılım-İnnovasiia» lisei-internatynyŋ oquşysy Tair Äbdıqadyr marapatqa ie boldy. Al mädeniet salasyndaǧy jeŋımpaz – Beiımbet Mailin audanyndaǧy «DAIMONDS» horeografiialyq ūjymynyŋ jetekşısı Evgeniia Orlova boldy.
Forum qorytyndysynda memlekettık rämızderge qūrmet el damuyna üles qosu men qoǧamdyq jauapkerşılık arqyly körınıs tabuy tiıs ekenı aityldy. Qatysuşylar bırlık pen özara senım el damuynyŋ basty kepılı ekenın atap öttı.
