مەملەكەت باسشىسى قاسىم-جومارت توقاەۆتىڭ جارلىعىمەن قىزىلوردا وبلىسىنىڭ جاڭا اكىمى بولىپ مۇرات ەرگەشباەۆ تاعايىندالدى، دەپ حابارلايدى "ادىرنا".
ءتيىستى جارلىق اقوردانىڭ ءباسپاسوز قىزمەتى ارقىلى جاريالاندى.
"مەملەكەت باسشىسىنىڭ جارلىعىمەن مۇرات نالقوجاۇلى ەرگەشباەۆ قىزىلوردا وبلىسىنىڭ اكىمى لاۋازىمىنا تاعايىندالدى", – دەپ جازىلعان رەسمي اقپاراتتا.
جاڭا اكىمنىڭ تاعايىندالۋى ءوڭىردى باسقارۋ جۇيەسىندەگى كادرلىق وزگەرىستەر اياسىندا جۇزەگە استى.
مۇرات ەرگەشباەۆ 1966 جىلى قىزىلوردادا دۇنيەگە كەلگەن. 1989 جىلى الماتى حالىق شارۋاشىلىعى ينستيتۋتىنىڭ حالىق شارۋاشىلىعىن جوسپارلاۋ فاكۋلتەتىن بىتىرگەن.
ول بۇعان دەيىن 2023 جىلدان بەرى قازاقستان ءماجiلiسى VIII-سايلانىمىنىڭ دەپۋتاتى بولعان.
مۇرات ەرگەشباەۆ بۇرىن سىرداريا اۋدانىنىڭ (2021–2023) جانە قىزىلوردا قالاسىنىڭ (2008–2010) اكىمى بولعان.
