باتىس قازاقستان وبلىسى سىرىم اۋدانى جوسالى اۋىلدىق وكرۋگىنىڭ اكىمى يمانقۇلوۆ باتىرعالي اق تۇتەك بوراندا قالعان ازاماتتى قۇتقارعانى ءۇشىن مەملەكەتتىك قىزمەت ىستەرى اگەنتتىگىءنىڭ توراعاسى دارحان جازىقبايدىڭ العىس حاتىمەن ماراپاتتالدى، دەپ حابارلايدى “ادىرنا” ۇلتتىق پورتالى.
اگەنتتىك توراعاسى تابيعات سىناقتارى تۇسىندا قيىندىققا تاپ بولعان قوعام مۇشەلەرىنە مەملەكەتتىك قىزمەتشى رەتىندە قولداۋ كورسەتىپ، ازاماتتىق ۇستانىم جانە باتىل ءىس-قيمىل تانىتقانى ءۇشىن العىس ءبىلدىرءدى.
باتىرعالي يمانقۇلوۆ 6 اقپاننان 7 اقپانعا قاراعان ءتۇنى اق تۇتەك بوراندا تراكتورمەن قار قۇرساۋىنا قالىپ، اۋىلعا قاراي جاياۋ شىعىپ باعىتىنان جاڭىلىسىپ قالعان ازاماتقا دەرەۋ كومەككە بارىپ، اۋىلعا امان-ەسەن جەتكىزگەن. مەملەكەت قىزمەتكەرىنىڭ ەرلىگىنىڭ ارقاسىندا ازاماتقا ۋاقىتىلى كومەك كورسەتىلدى.
اگەنتتىك توراعاسىنىڭ ارنايى جولداعان العىس حاتىن باتىس قازاقستان وبلىسى بويىنشا اۋماقتىق دەپارتامەنتءىنىڭ باسشىسى، ادەپ جونىندەگى كەڭەس توراعاسى مۇرات بايسالوۆ تابىستادى.
