قىزىلوردا وبلىسى جالاعاش اۋدانىنىڭ اققۇم اۋىلىندا تۇرعىن ۇيدە گاز باللونى جارىلىپ، ءبىر ادام قازا تاپتى، دەپ حپەابارلايدى “ادىرنا” ۇلتتىق پورتالى.
توتەنشە جاعدايلاري دەپارتامەنتىنىڭ مالىمەتىنشە، جارىلىستان باسپانانىڭ قابىرعالارى قيراپ، توبەسى وپىرىلىپ تۇسكەن. وقىس وقيعا كەزىندە ۇيدە 5 ادام بولعان. ءۇي يەسىنىڭ ايەلى مەن ەكى بالاسى امان شىعىپ ۇلگەرگەن.
ال اناسىن قۇتقارماق بولعان 30 جاستاعى ەر ازاماتتى كۇيىك شالىپ، اۋرۋحاناعا ءتۇستى. اۋىلعا ءورت سوندىرۋشىلەر كەلەم دەگەنشە باسپانانىڭ تۇگى قالماعان. ماماندار 50 ليترلىك گاز باللونى جارىلعان دەگەن بولجام ايتىپ وتىر.
«تۇرعىن ۇيدەن 1948 جىلى تۋعان ازاماتشانىڭ ءمايىتى شىعارىلدى. قازىرگى تاڭدا دەپارتامەنتتىڭ انىقتاۋ بولىمىمەن قىلمىستىق كودەكستىڭ 292-بابىنا سايكەس قىلمىستىق ءىس قوزعالىپ، ءورت-تەحنيكالىق، سوت-مەديتسينالىق، ءورت ءسوندىرۋ زەرتحاناسى بويىنشا ساراپتاما تاعايىندالدى. سەبەپ-سالدارى انىقتالىپ جاتىر»،- دەدى وبلىستىق تجد باسقارما باستىعى اسحات ورازبەكوۆ.
