9 قاراشا كۇنى الەۋمەتتىك جەلىلەردە شامالعان ستانتسياسىندا كومىر تاپشىلىعى ورىن الىپ جاتىر دەگەن اقپارات تاراعان بولاتىن. الايدا الماتى وبلىسى قاراساي اۋدانىنىڭ اكىمشىلىگى بۇل اقپاراتتى جوققا شىعاردى، دەپ حابارلايدى “ادىرنا” ۇلتتىق پورتالى وردا.كز سايتىنا سىلتەمە جاساپ.
شامالعان ستانتسياسىنا كۇنىنە كەمىندە 15 ۆاگون كومىر كەلەدى. بۇگىن 27 ۆاگون كەلدى، دەپ حابارلادى Orda.kz تىلشىسىنە قاراساي اۋداندىق تۇرعىن ءۇي-كوممۋنالدىق شارۋاشىلىق جانە تۇرعىن ءۇي ينسپەكتسياسى ءبولىمىنىڭ باسشىسى ەسكەندىر ەگەۋبەك.
“شامالعان اتتى تەمىر جول ۆوكزالى بار. بىزدە 10 شاقتى تەمىر جول تۇيىعى بار، ولار شۇبارقۇل مەن قاراجىرار كومىرىن اكەلىپ جاتىر. ونى جەكە كاسىپكەرلەر مەن جاۋاپكەرشىلىگى شەكتەۋلى سەرىكتەستىكتەر ساتادى. كۇنىنە كەم دەگەندە 15 ۆاگون كەلەدى. 9 قاراشا كۇنى ساعات 11:00-دە 27 ۆاگون كەلدى. ولاردى تۇيىق جولعا سۇيرەپ اپارىپ، كەيىن تۇسىرىلەدى. قازىرگى ۋاقىتتا قاۋىپسىزدىك ماقساتىندا جۇرگىزۋشىلەر تۇيىق اۋماقتىڭ سىرتىندا كۇتىپ تۇر. سودان كەيىن بارلىق كولىكتەر كەزەكپەن مەجەگە كوتەرىلەدى، كەيىن ولشەپ، كومىردى وزدەرىنە تيەيدى”،- دەپ ءتۇسىندىردى ەسكەندىر ەگەۋبەك.
تۇرعىن ءۇي-كوممۋنالدىق شارۋاشىلىعىنىڭ باسشىسى ۆيدەونى تۇسىرگەن ادام كەزەكتە تۇرىپ قالعانىن، كۇتىپ قالعانىن مۇمكىن ەرتەرەك كەلىپ العاننان كومىر جەتىسپەۋشىلىگى بار دەپ ويلاعان.
ەگەۋبەك ەكى-ءۇش كۇن كومىر بولماعان جاعدايدىڭ وزىندە دە مۇنداي قاربالاس بولمايتىنىن ايتتى. جىلىتۋ ماۋسىمى باستالعاندا قتج كومىر تيەلگەن ۆاگونداردىڭ سانىن كوبەيتەدى. 15 ەمەس، ەندى 18 ۆاگون كەلەدى.
قاراساي اۋدانى بويىنشا جىلۋ بەرۋ ماۋسىمىنداعى قاجەتتىلىك 27 828 توننانى قۇرايدى. بىراق، سپيكەردىڭ ايتۋىنشا، اۋدانداعى ەلدى مەكەندەردىڭ كوپشىلىگىندە گازبەن جىلىتۋ بار، سوندىقتان قاراساي اۋدانىندا كومىر از تۇتىنىلادى. بىراق شامالعان ستانتسياسى ىڭعايلى جەردە ورنالاسقاندىقتان، كومىر سول جەردەن باسقا ايماقتارعا تاسىمالدانادى.
“ادىرنا” ۇلتتىق پورتالى
