Shymbulak-تا High Season مارەسىنە جەتتى. مەرەكەلىك قاربالاس ارتتا قالىپ، بارلىق سەرۆيستىك قىزمەتتەر ەڭ جوعارعى دەڭگەيدە كورسەتىلدى. سۇرانىسقا نەگىزدەلگەن تاريفتەر كەزەڭى اياقتالىپ، كۋرورت جۇمىسىن ءارى قاراي جالعاستىرادى. دەمالىس ورنىنىڭ جەتەكشىلەرى ارنايى جەڭىلدىك قاراستىردى.
ديناميكالىق باعا بەلگىلەۋ قۇرالى الەمنىڭ كوپتەگەن كۋرورتتارىندا قولدانىلادى. Regular Season-عا ءوتۋ ارقىلى كەلۋشىلەر اعىنى تۇراقتانىپ، ينفراقۇرىلىمعا تۇسەتىن سالماق ازايادى. بۇل قىزمەت كورسەتۋ ساپاسىن تومەندەتپەستەن، باعا ساياساتىن قايتا قاراۋعا جانە تيىمدىرەك شارتتار ۇسىنۋعا مۇمكىندىك بەرەدى.
ء«بىز ءۇشىن باعا ساياساتىنىڭ قوناقتارعا تۇسىنىكتى ءارى الدىن الا بولجاۋعا بولاتىنداي بولۋى ماڭىزدى. ماۋسىمدىق جانە ديناميكالىق باعا بەلگىلەۋ ارقىلى ءبىز كەلۋشىلەر اعىنىن رەتتەپ قانا قويماي، تاڭداۋ مۇمكىندىگىن بەرەمىز: بىرەۋلەر مەرەكەلىك قاربالاستى ۇناتسا، ەندى بىرەۋلەر سىرعاناۋ ءۇشىن جايلى ءارى ءتيىمدى ۋاقىتتى تاڭداي الادى. ماۋسىمداردى High Season, Regular Season جانە جىلىنا ەكى رەت بولاتىن Low Season-عا ءبولۋ — ءدال وسى جايلىلىق پەن تەڭگەرىمدى ساقتاۋعا ارنالعان»، -دەدى — دەيدى Shymbulak تاۋ كۋرورتىنىڭ كليەنتتىك سەرۆيس جانە ساپانى باقىلاۋ دەپارتامەنتىنىڭ باسشىسى ولگا بەلياەۆا.
Regular Season كەزەڭىندە سكي-پاسستار باعاسى ورتا ەسەپپەن 13%-عا تومەندەيدى. سونىمەن قاتار، High Season كەزىندە توقتاتىلعان جەڭىلدىك باعدارلامالارى قايتا كۇشىنە ەنەدى. جۇمىس كۇندەرى جاسىنا بايلانىستى زەينەتكەرلەر (تەك قازاقستان رەسپۋبليكاسىنىڭ ازماتتارى ءۇشىن) جانە مۇگەدەكتىگى بار جاندار راستاۋشى قۇجاتتارىن كورسەتكەن جاعدايدا كۋرورتقا تەگىن كىرە الادى. كوپبالالى وتباسىلار، ارداگەرلەر، ەڭبەك ءوتىلى بويىنشا زەينەتكە شىققاندار جانە باسقا دا الەۋمەتتىك وسال توپ وكىلدەرى جۇمىس كۇندەرى بيلەتتەر مەن سكي-پاسستاردى جەڭىلدىكپەن يەمدەنەدى. ال بەس جاسقا دەيىنگى بالالار ءۇشىن كۋرورتقا كىرۋ كەز كەلگەن كۇنى جانە كەز كەلگەن ماۋسىمدا تەگىن — تەك كاسسادان سكي-پاسس كارتاسىن ساتىپ الىپ، وعان نولدىك ابونەمەنت جۇكتەۋ جەتكىلىكتى.
«Regular Season كەزىندە جەڭىلدىك باعدارلامالارىنىڭ قايتا جاندانۋى — كۋرورتتىڭ جۇيەلى تاريفتىك ساياساتىنىڭ ءبىر بولىگى. بۇل تاۋ دەمالىسىن قاربالاس ۋاقىتتان تىس كەزدە قوناقتاردىڭ بارلىق ساناتى ءۇشىن قولجەتىمدى ەتۋدى كوزدەيدى. بيىلعى High Season كەزىندە ءبىز 1-11 قاڭتار ارالىعىندا كوپبالالى وتباسىلار ءۇشىن جەڭىلدىك ءتاريفىن ساقتاپ قالدىق. جىل سايىن Shymbulak الەۋمەتتىك وسال توپقا جاتاتىن 190 مىڭعا جۋىق قوناقتى قابىلدايدى — بۇل كەلۋشىلەردىڭ جالپى سانىنىڭ شامامەن 20%-ى»، — دەدى قوناقتارعا قامقورلىق كورسەتۋ قىزمەتىنىڭ باسشىسى تەمىرلان ءجۇسىپ.
Regular Season اياقتالعان سوڭ Low Season باستالادى. ول كەزدە باعالار بۇدان دا تومەن بولادى. Shymbulak-تا تەك تولىق كۇنگە عانا ەمەس، سونىمەن قاتار تاڭعى، تۇستەن كەيىنگى جانە تۇنگى تاريفتەر دە قاراستىرىلعان. بۇل بيلەتتەر ستاندارتتى كۇندىزگى سكي-پاسسقا قاراعاندا ارزان ءارى دەمالىستى ۋاقىت پەن فيزيكالىق مۇمكىندىككە قاراي ىڭعايلى جوسپارلاۋعا كومەكتەسەدى. ال شاڭعى مەن سنوۋبوردتى ەندى ۇيرەنىپ جۇرگەندەر ءۇشىن Shymbulak-تىڭ ارنايى «باستاۋشى» ءتاريفى بار. ول ەرەسەكتەر مەن بالالاردىڭ العاشقى وقۋ بەتكەيلەرىندە سىرعاناۋىنا ارنالعان. بۇل تاريفتە تراسسالار سانى شەكتەۋلى، بىراق باعاسى ستاندارتتى سكي-پاسستان الدەقايدا تومەن. Regular Season-نىڭ قازىرگى باعالارى تۋرالى تولىق اقپاراتتى رەسمي سايتتان نەمەسە Shymbulak ءموبيلدى قوسىمشاسىنان بىلە الاسىزدار.
