ازەربايجانعا رەسمي ساپارمەن بارعان سىرتقى ىستەر ءمينيسترى ەرمەك كوشەرباەۆ پەن كولىك ءمينيسترى نۇرلان ساۋرانباەۆ شەيىتتەر اللەياسىنا باردى. بۇل تۋرالى Report اگەنتتىگى جازدى، دەپ حابارلايدى «ادىرنا» ءتىلشىسى.
ولار ازەربايجاننىڭ بوستاندىعى مەن تاۋەلسىزدىگى ءۇشىن جانىن قيعان جانداردىڭ رۋحىنا تاعزىم ەتىپ، ولاردىڭ قابىرلەرىنە، سونداي-اق «ماڭگىلىك الاۋ» مەموريالىنا گۇل شوقتارىن قويعان.
سونداي-اق كوشەرباەۆ پەن ساۋرانباەۆ باكۋدىڭ ەڭ بيىك نۇكتەلەرىنىڭ بىرىنەن ازەربايجان استاناسىنىڭ پانوراماسىن تاماشالاعان. ولارعا شەيىتتەر اللەياسىنىڭ تاريحى، سونداي-اق قالادا جۇرگىزىلىپ جاتقان اباتتاندىرۋ جانە قۇرىلىس جۇمىستارى تۋرالى اقپارات بەرىلدى.
ودان بولەك، مينيسترلەر جەڭىس ساياباعىندا بولىپ، جەڭىس مونۋمەنتىنە گۇل شوعىن قويعان.
كەيىننەن ازەربايجان مەن قازاقستاننىڭ سىرتقى ىستەر مينيسترلەرى — دجەيحۋن بايراموۆ پەن ەرمەك كوشەرباەۆتىڭ كەڭەيتىلگەن قۇرامدا كەزدەسۋ وتكىزگەنى بەلگىلى بولدى. تاراپتار ەكونوميكالىق، ساۋدا، ەنەرگەتيكا، ونەركاسىپ، اۋىل شارۋاشىلىعى، كولىك، لوگيستيكا جانە تسيفرلىق تەحنولوگيالار سالالارىنداعى ىنتىماقتاستىقتىڭ ارتىپ كەلە جاتقانىن اتاپ ءوتىپ، بەرىك ستراتەگيالىق بايلانىستارىن تاعى ءبىر مارتە راستادى.
