بۇگىن - ازەربايجاندا ارمياندار مەن بولشەۆيكتەر جاساعان گەنوتسيد قۇرباندارىن ەسكە الۋ كۇنى، دەپ حابارلايدى "ادىرنا" ءتىلشىسى kavkaz-uzel.media-عا سىلتەپ.
1918 جىلى ناۋرىزدا ارمياندار مەن بولشەۆيكتەر ەلدىڭ 50 مىڭعا جۋىق تۇرعىنىن قىرعانى ايتىلادى.
106 جىل بۇرىنعى وقيعا ازەربايجان تاريحىنداعى ەڭ قاندى وقيعانىڭ ءبىرى بولىپ سانالادى.
پاتشالىق رەسەي بيلىگىنىڭ سوڭعى جىلدارىندا ازەربايجاننىڭ ءارتۇرلى ايماقتارىنا قونىستانعان ارمياندار بيلىك داعدارىسىن پايدالانىپ، جەرلەردى باسىپ الۋعا، اۋىلدار مەن قالالاردىڭ حالقىن قىرىپ-جويۋعا كىرىسكەن. 1905 جىلدان باستاپ ارمياندار بەلسەندى تۇردە قارۋلانىپ، ازەربايجاننىڭ ءارتۇرلى ايماقتارىنداعى، اسىرەسە باكۋ حالقىنا كوپ شىعىن اكەلەدى.
1917 جىلعى قازان توڭكەرىسىنەن كەيىن بولشەۆيكتەر باكۋدەگى بيلىكتى باسىپ الدى. ارميان بولشەۆيكتەرىنىڭ كوسەمى ستەپان شاۋميان قولداعان ارمياندار مەن بولشەۆيكتەردىڭ باندىلارى ازەربايجاندارعا قارسى شابۋىلدى كۇشەيتكەن. 1918 جىلدىڭ 30 ناۋرىزى مەن 3 ءساۋىرى ارالىعىندا ارميان جانە بولشەۆيك باندىلارى ازەربايجاننىڭ باكۋ، شاماحي، گۋبا، حاچماز، لەنكاران، حادجيگابۋل، ساليان، زاڭگەزۋر، قاراباق، ناحچىۆان جانە باسقا وبلىستارىندا 50 مىڭعا جۋىق حالىقتى قىرعانى حابارلانعان.
وسمانلى مەملەكەتىنىڭ سوعىس ءمينيسترى ەنۆەر پاشانىڭ نۇسقاۋىمەن جاساقتالعان كاۆكاز يسلام اسكەرى ازەربايجان اۋماعىنا كەلگەننەن كەيىن عانا ارميانداردىڭ جاۋىزدىعى توقتاتىلعان.
1998 جىلدان بەرى ءدال وسى كۇنى جىل سايىن حالىق گەنوتسيد قۇرباندارىن ەسكە الادى.
