Azerbaijan Airlines اقتاۋ ماڭىنداعى اپاتتىڭ سەبەبى رەتىندە «فيزيكالىق جانە تەحنيكالىق كەدەرگىلەردى» اتادى، دەپ حابارلايدى “ادىرنا” ۇلتتىق پورتالى قازتاگ اگەنتتىگىنە سىلتەپ.
«2024 جىلدىڭ 28 جەلتوقسانىنان باستاپ باكۋدەن رەسەيدىڭ كەلەسى اۋەجايلارىنا ۇشۋلار توقتاتىلدى: مينەرالنىە ۆودى، سوچي، ۆولگوگراد، ۋفا، سامارا، ساراتوۆ، نيجني نوۆگورود، ۆلاديكاۆكاز.
ازەربايجان ازاماتتىق اۆياتسياسىنىڭ باسقارماسىمەن كەلىسىم بويىنشا قابىلدانعان بۇل شەشىم، «ازەربايجان اۋە جولدارى» كومپانياسىنىڭ باكۋ-گروزنىي رەيسىن ورىنداعان Embraer 190 ۇشاعىنىڭ اپاتىن تەكسەرۋدىڭ الدىن الا ناتيجەلەرىنە نەگىزدەلگەن. ۇشاق اپاتىنىڭ سەبەبى سىرتقى فيزيكالىق جانە تەحنيكالىق كەدەرگىلەر بولعانى انىقتالدى، بۇل ۇشۋلاردىڭ قاۋىپسىزدىگىنە قاتىستى ىقتيمال قاۋىپتەردى ەسكەرىپ، بۇل شەشىم قابىلداندى. رەيستەردى توقتاتۋ تەرگەۋ اياقتالعانعا دەيىن جالعاسادى”، - دەلىنگەن Azerbaijan Airlines كومپانياسىنىڭ جۇما كۇنگى مالىمدەمەسىندە.
25 جەلتوقساندا AZAL اۋە كومپانيالارى باكۋدەن گروزنىي مەن ماحاچكالاعا رەيستەردى توقتاتۋ تۋرالى شەشىم قابىلداعانى ايتىلعان.
«قاۋىپسىزدىك ماقساتىندا وسى باعىتتارعا، سونىڭ ىشىندە گروزنىي مەن ماحاچكالاعا باسقا اۋە كومپانيالارىنىڭ رەيستەرىن توقتاتۋ تۋرالى شەشىم قابىلداندى.
«قاۋىپسىزدىك ماقساتىندا باسقا اۋە كومپانيالارىنىڭ كورسەتىلگەن باعىتتار بويىنشا، سونىڭ ىشىندە گروزنىي مەن ماحاچكالاعا ۇشۋلارىن توقتاتۋ تۋرالى شەشىم قابىلداندى. ەگەر جاعدايعا بايلانىستى ازەربايجان اۋە جولدارى (AZAL) كومپانياسىنىڭ رەيستەرىنە قاتىسا الماي قالعان رەسەيدىڭ اتالعان قالالارىنان كەلىپ-كەتەتىن جولاۋشىلار، ولار تولىق قايتارىمدى ايىپپۇلسىز نەمەسە بيلەتتەرىن قايتا برونداۋدى تالاپ ەتە الادى»، – دەدى Azerbaijan Airlines .
ەسكە سالا كەتەيىك، 25 جەلتوقسان كۇنى باكۋ-گروزنىي باعىتىندا ۇشقان AZAL-عا تيەسىلى Embraer 190 جولاۋشىلار ۇشاعى اقتاۋ اۋەجايىنان 3 شاقىرىم جەردە اپاتقا ۇشىرادى. ۇشاق بورتىندا 67 ادام (62 جولاۋشى جانە 5 ەكيپاج مۇشەسى), رەسەي، ازەربايجان، قازاقستان جانە قىرعىزستان ازاماتتارى بولعان. 38 ادام قايتىس بولدى.
