فوتو: Report
باكۋدەگى گەيدار اليەۆ ورتالىعىندا «جاڭا ازەربايجان» پارتياسىنىڭ VIII سەزى وتۋدە. جيىنعا ازەربايجان رەسپۋبليكاسىنىڭ پرەزيدەنتى ءارى پارتيا توراعاسى يلحام اليەۆ قاتىستى. بۇل تۋرالى Report جازدى، دەپ حابارلايدى "ادىرنا".
سەزدە ءسوز سويلەگەن يلحام اليەۆ «جاڭا ازەربايجان» پارتياسى ازەربايجاننىڭ عانا ەمەس، وڭتۇستىك كاۆكازدىڭ دا ەڭ ءىرى ساياسي كۇشتەرىنىڭ ءبىرى ەكەنىن اتاپ ءوتتى.
پرەزيدەنتتىڭ ايتۋىنشا، پارتيا 30 جىلدان استام ۋاقىت بويى بيلىكتە كەلەدى. ول ەلدىڭ سوڭعى جىلدارداعى دامۋىندا پارتيا بەلسەندىلەرىنىڭ ۇلەسى زور ەكەنىن ايتتى.
«سوڭعى جىلدارى ەلىمىزدىڭ باسىنان وتكەرگەن تابىستى ءارى داڭقتى جولىندا پارتيا بەلسەندىلەرىنىڭ ەڭبەگى مەن ولشەۋسىز ۇلەسى زور»، – دەدى يلحام اليەۆ.
سەزد بارىسىندا پارتيانىڭ قىزمەتى، ەلدىڭ ساياسي جانە الەۋمەتتىك-ەكونوميكالىق دامۋ ماسەلەلەرى تالقىلانۋدا.
Report اگەنتتىگىنىڭ حابارلاۋىنشا، يلحام اليەۆ كەلەسى جىلى ەڭ تومەنگى جالاقى، زەينەتاقى جانە الەۋمەتتىك جاردەماقىلار كولەمىن ارتتىرۋ تۋرالى تاپسىرما بەردى.
«ازەربايجان حالقىنىڭ ءال-اۋقاتىن جىل سايىن جاقسارتۋ ماقساتىندا ءبىز بۇل ساياساتتى تۇراقتى تۇردە جۇرگىزىپ كەلەمىز»، – دەدى ول.
بۇل - سوۆەت وداعى ىدىراعاندا پايدا بولعان تاۋلى قاراباق ماسەلەسى شەشىلىپ، ازەربايجان تولىقتاي اۋماقتىق تۇتاستىعىنا قول جەتكىزگەننەن كەيىن بيلىك پارتياسى وتكىزىپ وتىرعان تۇڭعىش قۇرىلتاي.
