اقش پرەزيدەنتى دونالد ترامپ 8 تامىزدا اق ۇيدە ازەربايجان باسشىسىن جانە ارمەنيا پرەمەر-ءمينيسترىن "تاريحي بەيبىتشىلىك ءسامميتى" اياسىندا قابىلدايتىنىن مالىمدەدى، دەپ حابارلايدى “ادىرنا”.
ترامپتىڭ ايتۋىنشا، بۇل تاريحي سامميت ەكى ەل اراسىنداعى كوپجىلدىق قاقتىعىسقا نۇكتە قويۋى ءتيىس.
ۆاشينگتون سونداي-اق "وڭتۇستىك كاۆكازدىڭ الەۋەتىن اشۋعا كومەكتەسەتىن" ەكونوميكالىق مۇمكىندىكتەردى بىرلەسىپ پايدالانۋ ءۇشىن ەكى ەلمەن ەكىجاقتى كەلىسىمدەرگە قول قويادى.
2025 جىلعى ناۋرىزدا باكۋ مەن ەرەۆان بەيبىتشىلىك كەلىسىمىنە قول قويۋ تۋرالى ۋاعدالاستى. الايدا ول بىرنەشە اي بويى قول قويىلماي تۇر.
پاشينيان مەن اليەۆ 10 شىلدەدە ابۋ-دابيدە كەلىسسوز وتكىزدى. كەزدەسۋ ءتورت ساعاتتان استام ۋاقىتقا سوزىلدى، ول باستاپقىدا دەلەگاتسيالار دەڭگەيىندە ءوتتى، كەيىن جەكە جۇزدەسۋ فورماتىندا جالعاستى.
