قازاقستاندىق جۋرناليست جانار بايسەمىز الەۋمەتتىك جەلىدە وزىنە باعىتتالعان سىن-پىكىرلەرگە قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
ءجۋرناليستىڭ ايتۋىنشا، ءدىن وكىلى قۇربانالى احمەتپەن جۇرگىزىلگەن سۇحباتتان كەيىن قوعامدا ءتۇرلى كوزقاراستار پايدا بولعان. وسىعان بايلانىستى ول كەيبىر پىكىرلەردىڭ اسىرا ايتىلىپ جاتقانىن اتاپ ءوتتى.
«ارنايى دايىندالىپ، تولىققاندى سۇحبات بەرەمىن. قازىر كەيبىرەۋلەر تىم اسىعىپ بارا جاتىر. ءجونسىز ءتيىسۋدىڭ قاجەتى جوق. بولعان ىسكە سىن ايتۋشىلار كوپ، بىراق “نەگە ولاي دەمەدى، نەگە بۇلاي سۇرامادى” دەپ اقىل ايتۋ ورىنسىز»، – دەدى جۋرناليست.
بۇعان دەيىن ءدىن تۋرالى سۇحبات بەرگەن قۇربانالى احمەت ءوز سوزىندە ەكىنشى ايەلىن ءوز وتىنىشىمەن شاكىرتىنە قوسقانىن ايتقان. سونداي-اق ول ايەلىن قايىن اتاسى «سىيلاعانىن» جانە ونى ءبىرىنشى ايەلىنىڭ رۇقساتىنسىز العانىن مالىمدەگەن. يمامنىڭ ايتۋىنشا، ەكىنشى ايەلىنەن بەس بالاسى بار. وسى سوزدەن سوڭ سۇحبات تۋرالى ءتۇرلى پىكىر تۋىپ، قوعام نازارىن اۋدارعان ەدى.
