مۇگەدەك بالاسى بار اتا-انالارعا قوسىمشا ەڭبەك دەمالىسى بەرىلەتىن بولدى

1849
Adyrna.kz Telegram
فوتو: Astana-akshamy.kz
فوتو: Astana-akshamy.kz

ەلىمىزدە مۇگەدەك بالالارى بار اتا-انالارعا اقىسى تولەنەتىن قوسىمشا ەڭبەك دەمالىسىن بەرۋدى كوزدەيتىن زاڭنامالىق تۇزەتۋلەر قاراستىرىلۋدا. بۇل تۋرالى قر پرەمەر-ءمينيسترىنىڭ ورىنباسارى ەرالى توعجانوۆتىڭ ءماجىلىس دەپۋتاتتارى ساۋالىنا بەرگەن جاۋابىندا ايتتى، دەپ حابارلايدى “ادىرنا” ۇلتتىق پورتالى.

«ەڭبەك كودەكسىنىڭ 89-بابىنا سايكەس، جۇمىسشىلارمەن ەڭبەك، ۇجىمدىق كەلىسىمشارتپەن قوسىمشا اقىسى تولەنەتىن جىلسايىنعى ەڭبەك دەمالىسى بەلگىلەنۋى مۇمكىن. وسىلايشا، مۇگەدەك بالا تاربيەلەپ وتىرعان جۇمىسشىعا اقىسى تولەنەتىن قوسىمشا ەڭبەك دەمالىسىن بەرۋ ماسەلەسىن تاراپتار ەڭبەك، ۇجىمدىق كەلىسىمشارت اياسىندا شەشە الادى»، - دەدى ۇكىمەت باسشىسىنىڭ ورىنباسارى جاۋابىندا.

ونىڭ اتاپ وتۋىنشە، بۇل ماسەلە وتە وزەكتى. سوندىقتان، ول جۇمىس بەرۋشىلەرمەن جانە «اتامەكەن» ۇكپ-مەن بىرگە زاڭنامانى جەتىلدىرۋ، الەۋمەتتىك كودەكس ازىرلەۋ اياسىندا قارالاتىن بولادى.

«بۇعان قوسا، بۇگىندە ۇكىمەت، جۇمىسشىلاردىڭ رەسپۋبليكالىق بىرلەستىگى جانە جۇمىس بەرۋشىلەر اراسىنداعى باس كەلىسىم جۇزەگە اسىرىلىپ جاتىر. وندا كەلىسىم جانە ۇجىمدىق كەلىسىمشارت اياسىندا ايەلدەردىڭ، جاستار مەن مۇگەدەكتەردىڭ نەگىزگى قۇقىقتارى مەن كەپىلدەرىن جۇزەگە اسىرۋعا جۇمىس بەرۋشىنىڭ جاعداي جاساۋ كوزدەلگەن»،- دەدى ەرالى توعجانوۆ.

”ادىرنا” ۇلتتىق پورتالى

پىكىرلەر