سولتۇستىك قازاقستان وبلىسىندا ورنالاسقان سەرگەەۆ سۋ قويماسى تولىپ، ەرنەۋىنەن استى، دەپ حابارلايدى «ادىرنا» ءتىلشىسى.
قاردىڭ قارقىندى ەرۋىنە بايلانىستى سۋ دەڭگەيى جىلدام ءوسىپ جاتىر، سۋ كەلىمى قالىپتى مولشەردەن اسىپ، وڭىردە سۋ تاسقىنى قاۋپىن كۇشەيتىپ وتىر.
«31 ناۋرىز كۇنى سەرگەەۆ سۋ قويماسىندا سۋ دەڭگەيىنىڭ كوتەرىلۋىنە بايلانىستى بوگەت ارقىلى سۋ اعۋى باستالعان. قازىرگى ۋاقىتتا ونىڭ دەڭگەيى 8 سم-ءدى قۇرايدى. «قازگيدرومەت» رمك بولجامىنا سايكەس، سۋ تاسقىنىنىڭ شارىقتاۋ شەگى ءساۋىر ايىنىڭ ەكىنشى–ۇشىنشى ونكۇندىكتەرىندە كۇتىلەدى»،-دەلىنگەن اكىمدىك حابارلاماسىندا.
وڭىردە سۋ دەڭگەيىنە تاۋلىك بويى مونيتورينگ جۇرگىزىلىپ، بارلىق قاجەتتى كۇش پەن قۇرالدار جۇمىلدىرىلعان. جاعداي تۇراقتى باقىلاۋدا ەكەنى ايتىلدى.
ۇقساس جاڭالىقتار
