Tiryaki Agro حالىقارالىق اگروحولدينگى سولتۇستىك قازاقستان وبلىسىندا ماي زاۋىتىن سالۋدى جوسپارلاپ وتىر. بۇل تۋرالى وبلىس اكىمدىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
بۇگىن، 8 ساۋىردە سقو اكىمى عاۋەز نۇرمۇحامبەتوۆ Tiryaki Agro تۇرىك كومپانياسىنىڭ وڭىرلىك ديرەكتورى كوكسال ساليح يۋلدۋزپەن كەزدەسكەن. اڭگىمە بارىسىندا وڭىردە اۋقىمدى جوبانى ىسكە قوسۋ ماسەلەسى تالقىلانعان.
كاسىپورىندا كۇنباعىس، راپس جانە زىعىر مايىن ءوندىرۋ كوزدەلگەن، وندىرىستىك قۋاتى تاۋلىگىنە 1 500 تونناعا دەيىن جەتەدى.
ء«بىزدىڭ ءوڭىر ءداندى جانە مايلى داقىلدار وندىرىسىندە، ونىڭ ىشىندە كۇنباعىس، راپس جانە زىعىر بويىنشا جەتەكشى ورىندا. مايلى داقىلداردى وڭدەۋگە باعىتتالعان بۇل جوبانىڭ جۇزەگە اسۋى وبلىستىڭ وڭدەۋ ونەركاسىبىن ارى قاراي دامىتۋعا سەپتەسەدى. سونىمەن قاتار، جاڭا جۇمىس ورىندارىن قۇرۋعا، وڭدەۋ قۋاتتارىن ارتتىرۋعا جانە ءوڭىردىڭ ينۆەستيتسيالىق تارتىمدىلىعىن كۇشەيتۋگە مۇمكىندىك بەرەدى»،- دەپ اتاپ ءوتتى ءوڭىر باسشىسى.
