قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىندە كادرلىق تاعايىنداۋ بولدى. بيبىگۇل بوكەنبايقىزى قۇلامان جۇرتشىلىقپەن بايلانىس دەپارتامەنتىنىڭ ديرەكتورى – ءباسپاسوز حاتشىسى قىزمەتىنە كىرىستى، دەپ حابارلايدى "ادىرنا".
"مەديا جانە ستراتەگيالىق كوممۋنيكاتسيالار سالاسىندا مول تاجىريبەسى بار كاسىبي مامان رەتىندە بيبىگۇل بوكەنبايقىزى مەملەكەتتىك سەكتور مەن باق اراسىنداعى ءتيىمدى ديالوگتى نىعايتۋعا ءوز ۇلەسىن قوسىپ كەلەدى", دەلىنگەن مەملەكەتتىك قىزمەت ىستەرى اگەنتتىگىنىڭ حابارلاماسىندا.
ەڭبەك جولىندا بىرقاتار جاۋاپتى قىزمەتتەردى اتقارعان. اتاپ ايتقاندا، قازاقستان رەسپۋبليكاسى پرەزيدەنتى جانىنداعى مەملەكەتتىك باسقارۋ اكادەمياسىندا ءباسپاسوز حاتشىسى بولدى. سونىمەن قاتار، MNU ۋنيۆەرسيتەتىندە سەنور-لەكتور رەتىندە ءدارىس بەرىپ، جاس مامانداردى دايارلاۋعا ۇلەس قوستى.
بۇعان دەيىن قازاقستان رەسپۋبليكاسى پارلامەنتى سەناتى دەپۋتاتىنىڭ قوعامدىق كومەكشىسى قىزمەتىن اتقارىپ، زاڭ شىعارۋ سالاسىنا دا قاتىسى بار جۇمىستار جۇرگىزگەن. سونداي-اق، «باس رەداكتورلار كلۋبى» رەسپۋبليكالىق قوعامدىق بىرلەستىگىندە اتقارۋشى ديرەكتور بولىپ، مەديا سالاسىنىڭ دامۋىنا ۇلەس قوسقان.
