الماتى قالاسىنىڭ مادەنيەت باسقارماسىنا جاڭا جەتەكشى تاعايىندالدى، دەپ حابارلايدى "ادىرنا" ۇلتتىق پورتالى.
قالا اكىمى دارحان ساتىبالدىنىڭ بۇيرىعىمەن بۇل لاۋازىمعا دانيار اليەۆ كەلدى.
ول اباي اتىنداعى قازاق ۇلتتىق پەداگوگيكالىق ۋنيۆەرسيتەتىن «تاريح» ماماندىعى بويىنشا، سونداي-اق «الماتى» ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن، گۋمانيتارلىق عىلىمدار ماگيسترى دارەجەسىنە يە.
دانيار اليەۆ ءار جىلدارى ورتالىق مەملەكەتتىك ارحيۆ پەن الماتى قالاسىنىڭ تاريح مۋزەيىندە ءبولىم مەڭگەرۋشىسى، الماتى قالاسىنىڭ مادەنيەت باسقارماسىندا باسشى ورىنباسارى، سونداي-اق قازاقستاننىڭ مادەنيەت جانە سپورت مينيسترلىگىنىڭ مادەنيەت كوميتەتىندە ورىنباسار قىزمەتتەرىن اتقارعان.
سوڭعى ۋاقىتقا دەيىن ول الماتى وبلىسىنىڭ مادەنيەت، ارحيۆتەر جانە قۇجاتتاما باسقارماسىن باسقارعان
