ەكولوگيا مينيسترلىگىنىڭ اپپارات باسشىسى تاعايىندالدى

120
Adyrna.kz Telegram
https://adyrna.kz/storage/uploads/YpauTuXyMmysRQUKurwClr3iS7wWsfEU3mKqkS2C.jpg

عانيجان اسانۇلى قر ەكولوگيا جانە تابيعي رەسۋرستار مينيسترلىگى اپپاراتىنىڭ باسشىسى قىزمەتىنە تاعايىندالدى. ءتيىستى بۇيرىققا ۆەدومستۆو باسشىسى قول قويعان، دەپ حابارلايدى "ادىرنا". 

عانيجان اسانۇلى 1986 جىلى تۇركىستان وبلىسىندا دۇنيەگە كەلگەن. قارجى پوليتسياسى اكادەمياسىن، ۇلىبريتانياداعى King’s College London ۋنيۆەرسيتەتىن جانە قازتۇتىنۋوداعى قاراعاندى ەكونوميكالىق ۋنيۆەرسيتەتىن تامامداعان. پرەزيدەنتتىك جاستار كادر رەزەرۆىنىڭ مۇشەسى.

ەڭبەك جولىن 2008 جىلى قارجى پوليتسياسى ورگاندارىندا باستاعان. 2012–2014 جىلدارى قر مەملەكەتتىك قىزمەت ىستەرى اگەنتتىگىندە ساراپشى جانە باس ساراپشى قىزمەتتەرىن اتقارعان.

2014–2017 جىلدارى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىندە ءتۇرلى باسشىلىق لاۋازىمداردا جۇمىس ىستەگەن. كەيىن تۇركىستان وبلىسى بويىنشا ادەپ جونىندەگى كەڭەس باسشىسىنىڭ ورىنباسارى – حاتشىلىق مەڭگەرۋشىسى بولعان.

2019–2021 جىلدارى سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى، سونداي-اق اگەنتتىك ديرەكتورىنىڭ ورىنباسارى جانە پاراساتتىلىق دەپارتامەنتىنىڭ ديرەكتورى قىزمەتتەرىن اتقارعان.

2021–2022 جىلدارى اگەنتتىكتىڭ پرەۆەنتسيا قىزمەتى باسشىسىنىڭ ورىنباسارى بولعان.

2022 جىلدان باستاپ قر پرەزيدەنتى اكىمشىلىگىندە قىزمەت اتقارعان. الدىمەن مەملەكەتتىك قىزمەت جانە كادر ساياساتى ءبولىمىنىڭ، كەيىن مەملەكەتتىك قىزمەت ءبولىمىنىڭ سەكتور مەڭگەرۋشىسى بولعان.

ايتا كەتەيىك، بۇعان دەيىن الىبەك قۋانتىروۆ قازاقستان رەسپۋبليكاسىنىڭ ەكولوگيا جانە تابيعي رەسۋرستار ءمينيسترى بولىپ تاعايىندالعان ەدى.

پىكىرلەر