اقشۇقىر اۋىلىنىڭ №232 رەفەرەندۋم ۋچاسكەسىندە ونەر جولىندا دا، ءومىر جولىندا دا قول ۇستاسىپ كەلە جاتقان ونەرلى وتباسى داۋىس بەردى. باعداۋلەت تولىبەكۇلى مەن ەلۆيرا ەسنازار 2016 جىلى شاڭىراق كوتەرىپ، بۇگىندە ەكى بالا تاربيەلەپ وتىرعان ونەگەلى وتباسى. وتاۋ قۇرعاندارىنا بيىل 10 جىل تولىپ وتىر.
باقداۋلەت تولىبەكۇلى – ءداستۇرلى ءانشى، جىرشى، قازاق ۇلتتىق ونەر ۋنيۆەرسيتەتىنىڭ تۇلەگى. ول – جىراۋ، پروفەسسور اماندىق كومەكۇلىنىڭ شاكىرتى، رەسپۋبليكالىق كونكۋرستاردىڭ لاۋرەاتى. ال ەسنازار ەلۆيرا – ءداستۇرلى ءانشى، جىرشى، قازاق ۇلتتىق ونەر ۋنيۆەرسيتەتى تۇلەگى. ول – جىراۋ، پروفەسسور، قازاقستان رەسپۋبليكاسىنىڭ ەڭبەك سىڭىرگەن قايراتكەرى ەلمۇرا جاڭابەرگەنوۆانىڭ شاكىرتى، رەسپۋبليكالىق كونكۋرستاردىڭ لاۋرەاتى.
ءداستۇرلى ونەردى دارىپتەپ، اتادان قالعان اسىل مۇرانى حالىققا ناسيحاتتاپ جۇرگەن بۇل ونەرلى وتباسى جالپىحالىقتىق ساياسي ناۋقاننىڭ ماڭىزدىلىعىنا توقتالىپ، مۇنداي شارالاردىڭ حالىقتى بىرلىككە ۇندەيتىن رۋحاني الاڭ ەكەنىن اتاپ ءوتتى.
