ەۋروپاداعى قاۋىپسىزدىك جانە ىنتىماقتاستىق ۇيىمى (ەقىۇ) دەموكراتيالىق ينستيتۋتتار جانە ادام قۇقىقتارى بيۋروسى قازاقستاندا اتوم ەلەكتر ستانساسىنىڭ قۇرىلىسىنا قاتىستى رەفەرەندۋمدى باقىلامايدى. بۇل تۋرالى ورتالىق رەفەرەندۋم كوميسسياسىنىڭ حاتشىسى مۇحتار ەرمان ايتتى، دەپ حابارلايدى “ادىرنا” ۇلتتىق پورتالى.
«17 قىركۇيەكتە ءبىز ەقىۇ-نىڭ دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنان الداعى ايلارعا جوسپارلانعان سايلاۋعا بايلانىستى ءىس-شارالاردىڭ كوپتىگىن ەسكەرە وتىرىپ، 6 قازانداعى رەفەرەندۋمدى باقىلاۋ بويىنشا ءىس-شارالاردى باستاۋ مۇمكىندىگىنىڭ جوقتىعى تۋرالى جاۋاپ الدىق. ” -دەپ مالىمدەدى ورتالىق رەفەرەندۋم كوميسسياسىنىڭ حاتشىسى مۇحتار ەرمان.
اەس قۇرىلىسىنا قاتىستى رەفەرەندۋمعا الەمنىڭ 30 ەلىنەن 177 بايقاۋشى، ونىڭ ىشىندە ءتورت ءىرى حالىقارالىق ۇيىم – تمد، شىۇ، UTG جانە SVDMA اككرەديتتەلدى.
سونداي-اق رەفەرەندۋمدى 37 ەلدەن 200 شەتەلدىك جۋرناليست باقىلايدى.
