پرەزيدەنتتىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى ارمان قىرىقباەۆ الىپ قالا الماتىنىڭ جاستارىمەنبىرگە جاڭا كونستيتۋتسيانىڭ نەگىزگى ەرەجەلەرىن تالقىلاپ، ولاردىڭ كوكەيىندە جۇرگەن سۇراقتارىنا جاۋاپ بەردى.
اشىق ءارى مازمۇندى وتكەن كەزدەسۋ بارىسىنداستۋدەنتتەر، بەلسەندىلەر مەن قوعام وكىلدەرى جاڭا اتا زاڭ تۋرالى ساۋالدارىن قويىپ، ەل بولاشاعىنا قاتىستى ماڭىزدى پىكىرلەرءىن ايتتى.
ءىس-شارادان كەيىن ارمان قىرىقباەۆ باق وكىلدەرىنە سۇحبات بەرىپ، جاستاردىڭ كونستيتۋتسيالىق رەفورماعا دەگەن قىزىعۋشىلىعى مەن ىقىلاسى زور ەكەنىنە نازار اۋداردى.
«جاستاردىڭ تاراپىنان ەلىمىزدە بولىپ جاتقان اۋقىمدى وزگەرىستەرگە دەگەن ۇلكەن ىقىلاستى بايقاپ تۇرمىن. «جاڭا كونستيتۋتسيا جاستارعا نە بەرەدى؟» دەگەن سياقتى قاراپايىم كورىنگەنىمەن، بىراق اسا ماڭىزدى ساۋالدار قويىلدى. ءتىپتى كونستيتۋتسيانىڭ كەيبىر باپتارىنا دەيىن ءۇڭىلىپ، ونىڭ ماعىناسىن سۇراعاندار بولدى. جاستار رەفەرەندۋمعا شىعارىلىپ جاتقان اتا زاڭنىڭ ەڭ الدىمەن وزدەرىنىڭ بولاشاق ءومىرىن رەتتەيتىنىن، قازاقستان رەسپۋبليكاسىنىڭ بولاشاعىن ايقىندايتىن قۇجات ەكەنىن وزدەرى ءتۇسىنىپ، تۇيسىگىمەن سەزىنىپ وتىر», – دەدى پرەزيدەنتتىڭ كومەكشىسى.
سۇحبات بارىسىندا ول جاڭا كونستيتۋتسيانىڭ جوباسىندا پرەزيدەنتتىڭ «ادىلەتتى قازاقستان»، «زاڭ مەن ءتارتىپ»، «تازا قازاقستان» سەكىلدى ستراتەگيالىق يدەيالارى تولىقتاي كورىنىس تاپقانىناتاپ ءوتتى.
«پرەزيدەنت ءوز جولداۋلارىندا، ماقالالارى مەن سوزدەرىندە «زاڭ مەن ءتارتىپ» قاعيداتى، قورشاعان ورتاعا قامقورلىق، ەلىمىزدىڭ مىڭجىلدىق تاريحي ساباقتاستىعى مەن «ادىلەتءتى قازاقستان» يدەيالارىن ۇنەمى ايتىپ كەلەدى. اسىرەسە جاستارعا ارناپ ءجيى ايتادى. «زاڭ مەن ءتارتىپ» قاعيداتى ءبىزدىڭ ەلىمىزدە كەيبىر باتىس مەملەكەتتەرىنەن الدەقايدا بۇرىن ايتىلا باستاعانىن دا ۇمىتپاۋىمىز كەرەك»، – دەدى ارمان قىرىقباەۆ.
بۇل رەتتە ول جاڭا اتا زاڭنىڭ نەگىزگى اۆتورى كىم ەكەن دەگەن قيسىندى سۇراققا دا ناقتى جاۋاپ بەردى. ونىڭ ايتۋىنشا، مەملەكەت باسشىسىنىڭ جاڭا كونستيتۋتسيادا كورىنىس تاپقان يدەيالارى مەن باستامالارى حالىقتىڭ كوكەيىندە جۇرگەن تىلەكتەرىن ايقىندايدى.
«حالىق نەنى كوزدەيدى؟ نەگە ۇمتىلادى؟ ارينە ادىلەتتىلىككە ۇمتىلادى. «زاڭ مەن ءتارتىپتىڭ» مەيىلىنشە سالتانات قۇرۋىنا ۇمتىلادى. ەلىمىز تازا بولسا ەكەن، ادامداردىڭ نيەتى دۇرىس بولسا ەكەندەيدى. ياعني، مەملەكەت باسشىسى وسى ومىرشەڭ يدەيالاردى ايتقان كەزدە حالىقتىڭ كوكەيىندە جۇرگەن دۇنيەنى ءدوپ باسىپ وتىر. ال ەندى بۇلاردىڭ بارلىعى جاڭا اتا زاڭ ءماتىنىندە كورىنىس تاۋىپ وتىرعاندىقتان، ارينە، مەملەكەت باسشىسىن جاڭا كونستيتۋتسيا جوباسىنىڭ نەگىزگى اۆتورى دەي الامىز، – دەپ ءسوزىن تۇيىندەدى ارمان قىرىقباەۆ.
