Prezidenttıŋ ışkı saiasat mäselelerı jäne kommunikasiialar jönındegı kömekşısı Arman Qyryqbaev alyp qala Almatynyŋ jastarymenbırge jaŋa Konstitusiianyŋ negızgı erejelerın talqylap, olardyŋ kökeiınde jürgen sūraqtaryna jauap berdı.
Aşyq ärı mazmūndy ötken kezdesu barysyndastudentter, belsendıler men qoǧam ökılderı jaŋa Ata Zaŋ turaly saualdaryn qoiyp, el bolaşaǧyna qatysty maŋyzdy pıkırlerın aitty.
Is-şaradan keiın Arman Qyryqbaev BAQ ökılderıne sūhbat berıp, jastardyŋ konstitusiialyq reformaǧa degen qyzyǧuşylyǧy men yqylasy zor ekenıne nazar audardy.
«Jastardyŋ tarapynan elımızde bolyp jatqan auqymdy özgerısterge degen ülken yqylasty baiqap tūrmyn. «Jaŋa Konstitusiia jastarǧa ne beredı?» degen siiaqty qarapaiym körıngenımen, bıraq asa maŋyzdy saualdar qoiyldy. Tıptı Konstitusiianyŋ keibır baptaryna deiın üŋılıp, onyŋ maǧynasyn sūraǧandar boldy. Jastar referendumǧa şyǧarylyp jatqan Ata Zaŋnyŋ eŋ aldymen özderınıŋ bolaşaq ömırın retteitının, Qazaqstan Respublikasynyŋ bolaşaǧyn aiqyndaityn qūjat ekenın özderı tüsınıp, tüisıgımen sezınıp otyr», – dedı Prezidenttıŋ kömekşısı.
Sūhbat barysynda ol jaŋa Konstitusiianyŋ jobasynda Prezidenttıŋ «Ädılettı Qazaqstan», «Zaŋ men Tärtıp», «Taza Qazaqstan» sekıldı strategiialyq ideialary tolyqtai körınıs tapqanynatap öttı.
«Prezident öz Joldaularynda, maqalalary men sözderınde «Zaŋ men Tärtıp» qaǧidaty, qorşaǧan ortaǧa qamqorlyq, elımızdıŋ myŋjyldyq tarihi sabaqtastyǧy men «Ädılettı Qazaqstan» ideialaryn ünemı aityp keledı. Äsırese jastarǧa arnap jiı aitady. «Zaŋ men Tärtıp» qaǧidaty bızdıŋ elımızde keibır batys memleketterınen äldeqaida būryn aityla bastaǧanyn da ūmytpauymyz kerek», – dedı Arman Qyryqbaev.
Būl rette ol jaŋa Ata Zaŋnyŋ negızgı avtory kım eken degen qisyndy sūraqqa da naqty jauap berdı. Onyŋ aituynşa, Memleket basşysynyŋ jaŋa Konstitusiiada körınıs tapqan ideialary men bastamalary halyqtyŋ kökeiınde jürgen tılekterın aiqyndaidy.
«Halyq nenı közdeidı? Nege ūmtylady? Ärine ädılettılıkke ūmtylady. «Zaŋ men Tärtıptıŋ» meiılınşe saltanat qūruyna ūmtylady. Elımız taza bolsa eken, adamdardyŋ nietı dūrys bolsa ekendeidı. Iаǧni, Memleket basşysy osy ömırşeŋ ideialardy aitqan kezde halyqtyŋ kökeiınde jürgen dünienı döp basyp otyr. Al endı būlardyŋ barlyǧy jaŋa Ata Zaŋ mätınınde körınıs tauyp otyrǧandyqtan, ärine, Memleket basşysyn jaŋa Konstitusiia jobasynyŋ negızgı avtory dei alamyz, – dep sözın tüiındedı Arman Qyryqbaev.
