فوتو: جەڭىس ىسقاباي
جەتىسۋ وبلىسىنىڭ اكىمى بەيبىت يساباەۆ ءوڭىر تۇرعىندارىن 15 ناۋرىزدا وتەتىن رەسپۋبليكالىق رەفەرەندۋمعا بەلسەندى قاتىسۋعا شاقىردى.
ءوڭىر باسشىسى ءوز سوزىندە رەفەرەندۋم كۇنتىزبەدەگى جاي عانا داتا ەمەس، ەلىمىزدىڭ كەمەلدىگى مەن جارقىن بولاشاعىنا باستايتىن جاڭا ءبىر قادام ەكەنىن اتاپ ءوتتى.
"جالپى ورنىقتى تولىققاندى مەملەكەتتەر جاۋاپكەرشىلىككە، ادىلەتتىككە، زاڭ ۇستەمدىگىنە جانە ادامعا دەگەن قۇرمەتكە نەگىزدەلەدى. جاڭا كونستيتۋتسيا جوباسى وسى قۇندىلىقتاردى نىعايتۋعا باعىتتالعان. ءبىزدىڭ ورتاق ماقساتىمىز – ادىلەتتى، اشىق، ءارى ءتيىمدى مەملەكەت قۇرۋ. كونستيتۋتسيانىڭ نەگىزگى ماقساتى – ءبىزدىڭ مەملەكەتتىك ساياساتىمىزدىڭ الەمدىك گەوساياسي، گەوەكونوميكالىق، ساۋدا-ساتتىق پروتسەستەرىنە كىرىگۋى، الەممەن بىرگە دامۋ. بارلىعىمىز وسى كونستيتۋتسيا جوباسىن جۇرەكتەن وتكىزۋىمىز كەرەك", — دەدى بەيبىت يساباەۆ.
وبلىس اكىمى ەل تاريحىنداعى جاۋاپتى كەزەڭدە وبلىس حالقى شىنايى ازاماتتىق ۇستانىمىن ءبىلدىرىپ، جاڭا كونستيتۋتسيانى قولدايتىنىنا سەنىم ءبىلدىردى.
