اقتوبە قالاسىندا «كونستيتۋتسيالىق رەفورما – ەلدىڭ ۇزاق مەرزىمدى دامۋىنىڭ نەگىزى» تاقىرىبىندا جاستار پىكىرتالاسى ءوتتى.
ءىس-شارانىڭ ماقساتى – جاڭارتىلعان كونستيتۋتسيانىڭ نەگىزگى ەرەجەلەرىن جان-جاقتى تالقىلاۋ، اشىق ديالوگ مادەنيەتىن دامىتۋ، جاستاردىڭ قۇقىقتىق ساۋاتتىلىعىن ارتتىرۋ جانە 15 ناۋرىزدا وتەتىن جاڭا كونستيتۋتسيا بويىنشا الداعى رەفەرەندۋمدى قولداۋعا باعىتتالعان ورتاق ۇستانىم قالىپتاستىرۋ.
جيىندى اشقان «اۋىل» پارتياسى ورتالىق اپپارات باسشىسىنىڭ ورىنباسارى نۇرحات وراش بۇگىنگى جاستار پىكىرتالاسى كونستيتۋتسيالىق رەفورمانىڭ نەگىزگى باعىتتارىن ءتۇسىنۋ جانە جاستاردىڭ قوعامداعى ماڭىزدى ماسەلەلەردى تالقىلاۋىنا مۇمكىندىك بەرەتىن الاڭ ەكەنىن اتاپ ءوتتى.
جيىنعا قاتىسۋشى بەلسەندى جاستار كونستيتۋتسيانىڭ جاڭا جوباسىن تولىقتاي قولدايتىندىقتارىن ءبىلدىردى. ولار بۇل رەفورمانى ەلدىڭ دەموكراتيالىق باعىتىن ايقىندايتىن جانە ازاماتتىق قوعامدى نىعايتاتىن تاريحي قادام رەتىندە باعالادى. جاستار اتاپ وتكەندەي، جاڭا كونستيتۋتسيا ادام كاپيتالىنا، ءبىلىم مەن يننوۆاتسياعا باسىمدىق بەرە وتىرىپ، جاس بۋىن ءۇشىن جاڭا الەۋمەتتىك ليفتىلەر مەن قۇقىقتىق كەپىلدىكتەر اشادى.
سونىمەن قاتار شاراعا اقتوبە وبلىسى جاستار باسقارماسىنىڭ ءبولىم باسشىسى مادي كەمەشوۆ، وبلىستىق جرو، جاستار باستامالارىن قولداۋ جانە ۇيىمداستىرۋ ءبولىمىنىڭ باسشىسى داستان قۇرمانباي جانە بەلسەندى جاستار ءوز پىكىرلەرىن ءبىلدىردى.
جيىن سوڭىندا قاتىسۋشىلار جاڭا كونستيتۋتسيا - وتكەندى سارالاپ، بولاشاققا نىق قادام جاساۋعا مۇمكىندىك بەرەتىن ستراتەگيالىق تاڭداۋ دەگەن ورتاق بايلامعا كەلدى.
ۇقساس جاڭالىقتار
