Aqtöbe qalasynda «Konstitusiialyq reforma – eldıŋ ūzaq merzımdı damuynyŋ negızı» taqyrybynda jastar pıkırtalasy öttı.
Is-şaranyŋ maqsaty – jaŋartylǧan Konstitusiianyŋ negızgı erejelerın jan-jaqty talqylau, aşyq dialog mädenietın damytu, jastardyŋ qūqyqtyq sauattylyǧyn arttyru jäne 15 nauryzda ötetın jaŋa Konstitusiia boiynşa aldaǧy referendumdy qoldauǧa baǧyttalǧan ortaq ūstanym qalyptastyru.
Jiyndy aşqan «Auyl» partiiasy Ortalyq apparat basşysynyŋ orynbasary Nūrhat Oraş bügıngı jastar pıkırtalasy Konstitusiialyq reformanyŋ negızgı baǧyttaryn tüsınu jäne jastardyŋ qoǧamdaǧy maŋyzdy mäselelerdı talqylauyna mümkındık beretın alaŋ ekenın atap öttı.
Jiynǧa qatysuşy belsendı jastar Konstitusiianyŋ jaŋa jobasyn tolyqtai qoldaityndyqtaryn bıldırdı. Olar būl reformany eldıŋ demokratiialyq baǧytyn aiqyndaityn jäne azamattyq qoǧamdy nyǧaitatyn tarihi qadam retınde baǧalady. Jastar atap ötkendei, jaŋa Konstitusiia adam kapitalyna, bılım men innovasiiaǧa basymdyq bere otyryp, jas buyn üşın jaŋa äleumettık liftıler men qūqyqtyq kepıldıkter aşady.
Sonymen qatar şaraǧa Aqtöbe oblysy jastar basqarmasynyŋ bölım basşysy Madi Kemeşov, oblystyq JRO, Jastar bastamalaryn qoldau jäne ūiymdastyru bölımınıŋ basşysy Dastan Qūrmanbai jäne belsendı jastar öz pıkırlerın bıldırdı.
Jiyn soŋynda qatysuşylar jaŋa Konstitusiia - ötkendı saralap, bolaşaqqa nyq qadam jasauǧa mümkındık beretın strategiialyq taŋdau degen ortaq bailamǧa keldı.
Ūqsas jaŋalyqtar
