قازاقستان رەسپۋبليكاسى ۇكىمەتىنىڭ قاۋلىسىمەن قانات جۇمابايۇلى ىسقاقوۆ مادەنيەت جانە اقپارات ءبىرىنشى ۆيتسە-ءمينيسترى قىزمەتىنە تاعايىندالدى. بۇل تۋرالى قر ۇكىمەتىنىڭ ءباسپاسوز قىزمەتى مالىمدەدى، دەپ حابارلايدى "ادىرنا".
قانات جۇمابايۇلى ىسقاقوۆ 1982 جىلى شىمكەنت قالاسىندا دۇنيەگە كەلگەن.
ءال-فارابي اتىنداعى قازاق ۇلتتىق ۋنيۆەرسيتەتىن جانە م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىن بىتىرگەن.
ەڭبەك جولىن 2005 جىلى الماتى قالاسى جاستار ساياساتىن دامىتۋ مەملەكەتتىك قورىنىڭ جەتەكشى مامانى بولىپ باستاعان.
ءار جىلدارى ءارتۇرلى مەملەكەتتىك قۇرىلىمداردا، سونىڭ ىشىندە قر پارلامەنتى ماجىلىسىندە، قر پرەزيدەنتى اكىمشىلىگىنىڭ قر مەملەكەتتىك حاتشىسىنىڭ حاتشىلىعىندا، قر پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعىندا جۇمىس ىستەدى.
2012-2021 جىلدارى – قر پرەزيدەنتى اكىمشىلىگىنىڭ ءباسپاسوز قىزمەتىنىڭ سەكتور مەڭگەرۋشىسى قىزمەتىن اتقاردى.
2021-2023 جىلدارى – قر اقپارات جانە قوعامدىق دامۋ مينيسترلىگى اقپارات كوميتەتىنىڭ توراعاسى.
2023 جىلدان باستاپ قازىرگى ۋاقىتقا دەيىن — قر مادەنيەت جانە اقپارات ۆيتسە-ءمينيسترى.
