قازاقستان رەسپۋبليكاسى ۇكىمەتىنىڭ قاۋلىسىمەن كەگەن احمەتۇلى تۇرسىنباەۆ توتەنشە جاعدايلار ۆيتسە-ءمينيسترى قىزمەتىنە تاعايىندالدى. بۇل تۋرالى قر ۇكىمەتىنىڭ ءباسپاسوز قىزمەتى جاريالادى، دەپ حابارلايدى “ادىرنا” ۇلتتىق پورتالى.
ول 1971 جىلى شىعىس قازاقستان وبلىسىندا دۇنيەگە كەلگەن. لەنين كومسومولى اتىنداعى ەكى مارتە قىزىل تۋلى ريازان جوعارى اۋە دەسانتتىق كوماندالىق ۋچيليششەسىن، ل.ن. گۋميلەۆ اتىنداعى ەۋرازيا مەملەكەتتىك ۋنيۆەرسيتەتىن، رف پرەزيدەنتى جانىنداعى رەسەي حالىق شارۋاشىلىعى جانە مەملەكەتتىك قىزمەت اكادەمياسىن بىتىرگەن.
ءار جىلدارى قر رەسپۋبليكالىق ۇلانى، قر ۇلتتىق قاۋىپسىزدىك كوميتەتىنىڭ شەكارا قىزمەتى قاتارىندا قىزمەت ەتكەن.
- 2020-2021 جىلدارى شىعىس قازاقستان وبلىسى بويىنشا تۇتىنۋشىلاردىڭ قۇقىقتارىن قورعاۋ كوميتەتى دەپارتامەنتىنىڭ باسشىسى بولىپ جۇمىس ىستەدى.
- 2021-2022 جىلدارى – قر پرەزيدەنتى ءىس باسقارماسىنىڭ ءبولىم باستىعى.
- 2022-2024 جىلدارى قر ىشكى ىستەر مينيسترلىگىنىڭ قۇرىلىمىندا باسشىلىق قىزمەتتەر اتقاردى.
- 2024 جىلعى ساۋىردەن باستاپ قازىرگى ۋاقىتقا دەيىن – قر تجم ازاماتتىق قورعانىس جانە اسكەري بولىمدەر كوميتەتىنىڭ توراعاسى.
