بۇگىن مەملەكەت باسشىسى قاسىم-جومارت توقاەۆ قر باس پروكۋرورىنىڭ ورىنباسارىن تاعايىندادى. بۇل تۋرالى اقوردانىڭ Telegram-داعى رەسمي ارناسى جاريالادى، دەپ حابارلايدى «ادىرنا» ۇلتتىق پورتالى.
قازاقستان رەسپۋبليكاسى باس پروكۋرورىنىڭ ورىنباسارى بولىپ عابيت امانگەلدىۇلى سادىربەكوۆ تاعايىندالدى، ول بۇرىنعى اتقارعان لاۋازىمىنان بوساتىلدى. عابيت سادىربەكوۆ 1978 جىلعى 3 ماۋسىمدا اقمولا وبلىسىندا دۇنيەگە كەلگەن. ءبىلىمى جوعارى، 1999 جىلى اباي اتىنداعى الماتى مەملەكەتتىك ۋنيۆەرسيتەتىن بىتىرگەن. 2001-2017 جىلدارى پروكۋراتۋرا ورگاندارىندا، 2017-2020 جىلدارى بانك سالاسىندا قىزمەت ەتكەن. 2020-2021 جىلدارى قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ كەڭەسشىسى بولعان. 2021 جىلعى 2 ناۋرىزدان 2022 جىلعى 8 قاڭتارعا دەيىن – قازاقستان رەسپۋبليكاسىنىڭ قارجىلىق مونيتورينگ اگەنتتىگى اپپاراتىنىڭ باسشىسى بولدى. 2022 جىلعى 8 قاڭتاردان قازىرگى ۋاقىتقا دەيىن – قازاقستان رەسپۋبليكاسىنىڭ قارجىلىق مونيتورينگ اگەنتتىگى توراعاسىنىڭ ءبىرىنشى ورىنباسارى لاۋازىمىندا بولدى. ايتا كەتەيىك، مەملەكەت باسشىسىنىڭ وكىمىمەن ۇلان ساپارۇلى بايجانوۆ قازاقستان رەسپۋبليكاسى باس پروكۋرورىنىڭ ورىنباسارى لاۋازىمىنان بوساتىلدى.«ادىرنا» ۇلتتىق پورتالى
ۇقساس جاڭالىقتار
