قازاقستان رەسپۋبليكاسى ۇكىمەتىنىڭ قاۋلىسىمەن اسىلبەك امانتايۇلى احمەتجانوۆ وقۋ-اعارتۋ ۆيتسە-ءمينيسترى قىزمەتىنە تاعايىندالدى، دەپ حابارلايدى "ادىرنا" ۇلتتىق پورتالى.
اسىلبەك احمەتجانوۆ 1993 جىلعى 7 ساۋىردە الماتى قالاسىندا دۇنيەگە كەلگەن. ول ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «ەسەپ جانە اۋديت» ماماندىعىن جانە قازاق تەحنولوگيا جانە بيزنەس ۋنيۆەرسيتەتىندە «اقپاراتتىق جۇيەلەر» ماماندىعىن مەڭگەرگەن.
مەملەكەتتىك قىزمەتىن 2016 جىلى باستاپ، ءتۇرلى دەپارتامەنتتەردە تسيفرلاندىرۋ جانە ەلەكتروندى مەملەكەتتىك قىزمەتتەر سالاسىندا ساراپشى جانە باسشىلىق لاۋازىمداردى اتقاردى. 2025 جىلدىڭ اقپانىنان بەرى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ تسيفرلىق ترانسفورماتسيا ارحيتەكتۋراسى جانە ساياساتى دەپارتامەنتىنىڭ ديرەكتورى بولدى.
