ءماجىلىستىڭ بۇرىنعى دەپۋتاتى، جۋرناليست ماقسات تولىقباي الماتى وبلىسى اكىمىنىڭ كەڭەسشىسى قىزمەتىنە تاعايىندالدى، دەپ حابارلايدى “ادىرنا”.
بۇل تۋرالى الماتى وبلىسى اكىمىنىڭ ءباسپاسوز حاتشىسى دياس نۇراقىن مالىمدەدى.
ونىڭ ايتۋىنشا، ماقسات تولىقباي جاڭا قىزمەتىندە ءوڭىردى دامىتۋ جۇمىستارىنا اتسالىسادى.
ماقسات تولىقباي 1988 جىلعى 11 ساۋىردە شىعىس قازاقستان وبلىسى كۇرشىم اۋدانىنداعى كۇرشىم اۋىلىندا دۇنيەگە كەلگەن.
2010 جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ جۋرناليستيكا فاكۋلتەتىن تامامداعان. 2016 جىلى وسى ۋنيۆەرسيتەتتە الەۋمەتتانۋ ماماندىعى بويىنشا ماگيستر دارەجەسىن العان. 2020 جىلى س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىن زاڭگەر ماماندىعى بويىنشا بىتىرگەن.
ەڭبەك جولىن 2009 جىلى «31 ارناداعى» «زامانداستار» باعدارلاماسىنىڭ جۇرگىزۋشىسى ءارى رەداكتورى رەتىندە باستاعان. 2011–2019 جىلدارى وسى ارنانىڭ «ينفورمبيۋرو» جاڭالىقتار قىزمەتىندە ءتىلشى، ديكتور جانە رەداكتور بولىپ جۇمىس ىستەدى.
2019–2020 جىلدارى «ەۋرازيا» ءبىرىنشى ارناسىنداعى «باستى باعدارلاما» اپتالىق ساراپتامالىق حابارىن جۇرگىزدى. 2020–2022 جىلدارى «Qazaqstan» تەلەارناسىنداعى «اشىق الاڭ» قوعامدىق-ساياسي توك-شوۋىنىڭ جۇرگىزۋشىسى ءارى پروديۋسەرى بولدى. 2022 جىلدان باستاپ «حابار» تەلەارناسىندا ء«بىزدىڭ ماقسات» توك-شوۋىن جۇرگىزدى.
2023 جىلعى 28 ناۋرىزدا «AMANAT» پارتياسىنىڭ ءتىزىمى بويىنشا پارلامەنت ءماجىلىسىنىڭ VIII شاقىرىلىمىنىڭ دەپۋتاتى بولىپ سايلاندى.
