Qazaqstan Respublikasy Ükımetınıŋ qaulysymen Qanat Jūmabaiūly Ysqaqov mädeniet jäne aqparat bırınşı vise-ministrı qyzmetıne taǧaiyndaldy. Būl turaly QR Ükımetınıŋ Baspasöz qyzmetı mälımdedı, dep habarlaidy "Adyrna".
Qanat Jūmabaiūly Ysqaqov 1982 jyly Şymkent qalasynda düniege kelgen.
Äl-Farabi atyndaǧy Qazaq ūlttyq universitetın jäne M.V.Lomonosov atyndaǧy Mäskeu memlekettık universitetın bıtırgen.
Eŋbek jolyn 2005 jyly Almaty qalasy jastar saiasatyn damytu memlekettık qorynyŋ jetekşı mamany bolyp bastaǧan.
Är jyldary ärtürlı memlekettık qūrylymdarda, sonyŋ ışınde QR Parlamentı Mäjılısınde, QR Prezidentı Äkımşılıgınıŋ QR Memlekettık Hatşysynyŋ hatşylyǧynda, QR Prezidentı Äkımşılıgınıŋ Strategiialyq äzırlemeler jäne taldau ortalyǧynda jūmys ıstedı.
2012-2021 jyldary – QR Prezidentı Äkımşılıgınıŋ baspasöz qyzmetınıŋ sektor meŋgeruşısı qyzmetın atqardy.
2021-2023 jyldary – QR Aqparat jäne qoǧamdyq damu ministrlıgı Aqparat komitetınıŋ töraǧasy.
2023 jyldan bastap qazırgı uaqytqa deiın — QR mädeniet jäne aqparat vise-ministrı.
