23 قاڭتار كۇنى وسكەمەن گارنيزونىنداعى اسكەري بولىمدەردىڭ بىرىندە قاراۋىل قىزمەتىن اتقارۋ كەزىندە مەرزىمدى اسكەري قىزمەتكەر وزىنە بەكىتىلگەن قارۋدان ءوز-وزىنە وق اتىپ، العان جاراقاتىنان كوز جۇمدى، دەپ حابارلايدى "ادىرنا".
مارقۇم 2025 جىلعى ءساۋىر ايىندا مەرزىمدى اسكەري قىزمەتكە شاقىرىلعان.
اتالعان دەرەك بويىنشا قازاقستان رەسپۋبليكاسى ىشكى ىستەر مينيسترلىگىنىڭ شىعىس وڭىرلىك اسكەري-تەرگەۋ باسقارماسىنىڭ وسكەمەن ءبولىمى قىلمىستىق ءىس قوزعادى. سوتقا دەيىنگى تەرگەپ-تەكسەرۋ وسكەمەن گارنيزونىنىڭ اسكەري پروكۋراتۋراسىنىڭ باقىلاۋىندا. قازىرگى ۋاقىتتا وقيعانىڭ سەبەپتەرى مەن ءمان-جايى انىقتالىپ جاتىر. تەرگەۋ مۇددەسىنە بايلانىستى وزگە اقپارات جاريا ەتىلمەيدى.
قازاقستان رەسپۋبليكاسى قورعانىس ءمينيسترىنىڭ تاپسىرماسىنا سايكەس، وقيعانىڭ بارلىق ءمان-جايىن وبەكتيۆتى ءارى جان-جاقتى انىقتاۋ ماقساتىندا وقيعا ورنىندا قورعانىس ءمينيسترىنىڭ ورىنباسارى، گەنەرال-مايور اسقار مۇستابەكوۆتىڭ جەتەكشىلىگىمەن ارنايى كوميسسيا جۇمىس ىستەپ جاتىر.
قازاقستان رەسپۋبليكاسى قورعانىس مينيسترلىگى مەن قارۋلى كۇشتەردىڭ باسشىلىعى قازا تاپقان اسكەري قىزمەتشىنىڭ تۋعان-تۋىستارى مەن جاقىندارىنا كوڭىل ايتتى. مارقۇمنىڭ وتباسىنا قولدانىستاعى زاڭناماعا سايكەس بارلىق قاجەتتى كومەك كورسەتىلەتىنى حابارلاندى.
