يەرۋساليمدە تەراكت بولىپ، 4 ادام قازا تاپتى، دەپ حابارلايدى "ادىرنا" ۇلتتىق پورتالى The Times of Israel باسىلىمىنا سىلتەمە جاساپ.
ەكى تەرروريست اۆتوبۋسقا ءمىنىپ، يزرايل استاناسىنداعى راموت قيىلىسىندا وق جاۋدىرعان.
قارۋلى قاقتىعىس سالدارىنان تاعى شامامەن 15 ادام جارالانعان. ولاردىڭ بەسەۋىنىڭ جاعدايى اۋىر. بارلىعى اۋرۋحاناعا جەتكىزىلدى.
شابۋىل جاساعان تەرروريستەردىڭ ءتىرى نە ءولى ەكەنى ازىرگە ناقتى بەلگىسىز. ولار “كارلو” ۇلگىسىندەگى قولدان جاسالعان پيستولەت-پۋلەمەتتى پايدالانعان.
بۇعان دەيىن اقش پرەزيدەنتى دونالد ترامپ حاماس وكىلدەرىنە اتىستى توقتاتۋ تۋرالى ۇسىنىستى قابىلداۋ جونىندە “سوڭعى ەسكەرتۋ” جاساعانىن مالىمدەگەن ەدى. بۇل تۋرالى ول Truth Social الەۋمەتتىك جەلىسىندە جازدى.
اق ءۇي باسشىسىنىڭ سوزىنشە، يزرايل ونىڭ شارتتارىنا كەلىسىم بەرگەن.
ۇقساس جاڭالىقتار
