23 qaŋtar künı Öskemen garnizonyndaǧy äskeri bölımderdıŋ bırınde qarauyl qyzmetın atqaru kezınde merzımdı äskeri qyzmetker özıne bekıtılgen qarudan öz-özıne oq atyp, alǧan jaraqatynan köz jūmdy, dep habarlaidy "Adyrna".
Marqūm 2025 jylǧy säuır aiynda merzımdı äskeri qyzmetke şaqyrylǧan.
Atalǧan derek boiynşa Qazaqstan Respublikasy Işkı ıster ministrlıgınıŋ Şyǧys öŋırlık äskeri-tergeu basqarmasynyŋ Öskemen bölımı qylmystyq ıs qozǧady. Sotqa deiıngı tergep-tekseru Öskemen garnizonynyŋ äskeri prokuraturasynyŋ baqylauynda. Qazırgı uaqytta oqiǧanyŋ sebepterı men män-jaiy anyqtalyp jatyr. Tergeu müddesıne bailanysty özge aqparat jariia etılmeidı.
Qazaqstan Respublikasy Qorǧanys ministrınıŋ tapsyrmasyna säikes, oqiǧanyŋ barlyq män-jaiyn obektivtı ärı jan-jaqty anyqtau maqsatynda oqiǧa ornynda Qorǧanys ministrınıŋ orynbasary, general-maior Asqar Mūstabekovtıŋ jetekşılıgımen arnaiy komissiia jūmys ıstep jatyr.
Qazaqstan Respublikasy Qorǧanys ministrlıgı men Qaruly Küşterdıŋ basşylyǧy qaza tapqan äskeri qyzmetşınıŋ tuǧan-tuystary men jaqyndaryna köŋıl aitty. Marqūmnyŋ otbasyna qoldanystaǧy zaŋnamaǧa säikes barlyq qajettı kömek körsetıletını habarlandy.
