قازاق تەاترىنىڭ ماقتانىشى تورعىن تاسىبەكوۆا ومىردەن ءوتتى، دەپ حابارلايدى “ادىرنا” ۇلتتىق پورتالى.
قازاقستاننىڭ حالىق ءارتىسى تورعىن تاسىبەكوۆا 1938 جىلى الماتى وبلىسىندا ومىرگە كەلگەن. تورعىن جىلقىشىقىزى بالا كەزىنەن ونەرگە قۇشتار بولعان. تورعىن جىلقىشىقىزى كىشكەنتايىنان ءان سالىپ، اكەسى جاساتقان دومبىرانى شەرتۋگە اۋەس بولعان.
تەاتر ءارتىسى 1961 جىلى قۇرمانعازى اتىنداعى قازاق ۇلتتىق كونسەرۆاتورياسىنىڭ اكتەرلىك شەبەرلىك فاكۋلتەتىن بىتىرگەن. سول جىلى-اق الماتىداعى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتەرلىك قۇرامىنا قابىلدانادى. وسى جىلدان بۇگىنگى كۇنگە دەيىن قارا شاڭىراقتا قىزمەت ەتىپ كەلدى.
تورعىن تاسىبەكوۆا ساحنادا ءار الۋان رولدەردە ويناپ، ءوزىنىڭ كوپقىرلى ساحنالىق-ورىنداۋشىلىق ونەرىمەن كورەرمەندەر ءىلتيپاتىنا بولەندى.
حالىق ءارتىسى 86 جاسىنا قاراعان شاعىندا ومىردەن ءوتتى.
